Kongresmenja demokrate amerikane Alexandria Ocasio-Cortez ka reaguar lidhur me protestat në Shqipëri, duke i bërë thirrje qeverisë sh...
AKTUALITET
"S’ka lojë me ne"/ Xhaxhai i autorit të vrasjes së gjyqtarit Kalaja: Kemi 13 vite që i shkruajmë kryeministrit, që informojmë shtetin
PiranjatPërditësimi i fundit 7 Tetor 2025, 12:55
Pas ngjarjes së rëndë që tronditi vendin dje, kur Elvis Shkambi vrau gjyqtarin Astrit Kalaja dhe plagosi dy persona të tjerë në sallën e Gjykatës së Apelit, xhaxhai i autorit, Gjovalin Shkambi u shfaq publikisht pa pendim dhe me kërcënime të drejtpërdrejta. Në një prononcim për mediat, ky i fundit paralajmëroi se gjyqtarët që do ta dënojnë nipin e tij, do të “përballen me plumba”.
“Ata që do të dënojnë nipin tim, do të përballen me këtë gjë. Ata gjyqtarë që do të dënojnë nipin, do të përballen me të njëjtën gjë (vrasje) me plumba. Kemi 13 vite që i shkruajmë kryeministrit dhe të gjithë qeverisë për pronën që kemi blerë. Këta do të kenë të njëjtin shpërblim. Pronën e kemi blerë. Ia kemi blerë shtetit,” tha Gjovalini, ndër të tjera.
Pyetjes nëse është i penduar për aktin e nipit të tij, ai iu përgjigj se “familjes së të ndjerit gjyqtar, i ulem në gjunjë. Kemi 13 vite që informojmë shtetin. E kemi blerë pronën me ligj e rregulla. Nëse dënojnë djalin, të njëjtën gjë do bëjmë. Edhe sikur të jetë Donald Trump, apo Papa. S’ka lojë me ne.”
Për dokumentacionin që lidhet me pronën për të cilën ankohet, Gjovalini deklaroi se “i kemi të rregullta dokumentet. Kemi 13 vite që i shkruajmë Edi Ramës. ‘Liromë pronën, o liromë pronën’. S’ka lojë me ne.” Ai edhe njëherë theksoi se nuk ka marrë pjesë në aktin kriminal e se nuk ishte në dijeni për veprimin e nipit: “Jo nuk isha në dijeni. Se do ta kisha ndaluar. 72 orë më parë kam njoftuar shefin e Komisariatit të Shkodrës dhe kam dhënë informacion se ish-drejtori i Policisë Bashkiake nuk kishte prishur disa objekte.”
Prononcimi përfundoi me kërcënime ndaj institucioneve që, sipas tij, nuk ia kanë njohur të drejtën e pronësisë: “Familjes së Astrit Kalasë, i bie në gjunjë. Në mënyrë absolute nuk i druhem hakmarrjes, kemi nisur luftën. Kur të dënojnë atë djalë, në sallë të gjyqit me plumba do të gjykohet. Se më ka prerë në besë shteti. Ia kam blerë shtetit. Nuk ka gjyqtar që e dënon. Do t’i hanë plumbat sikur i hëngri Astrit Kalaja!”
