Përdoruesit e platformave Facebook, Instagram dhe Messenger kanë raportuar probleme me funksionimin e tyre pasditen e së mërkurës, 22...
AKTUALITET
Skandal me dhuruesin e spermës që mbarte gjen kancerogjen, u përdor edhe nga klinikat e fertilitetit në Shqipëri
PiranjatPërditësimi i fundit 10 Dhjetor 2025, 14:23
Një skandal ndërkombëtar që lidhet me dhurimin e spermës ka përfshirë 14 shtete europiane, përfshirë edhe vendin tonë. Një dhurues sperme, i cili pa dijeninë e tij mbante një mutacion të rrezikshëm gjenetik kancerogjen, ka bërë të mundur lindjen e të paktën 197 fëmijëve në 14 shtete europiane, përfshirë edhe Shqipërinë.
Sipas BBC, bëhet fjalë për një mutacion në gjenin TP53, i lidhur me sindromën e rrallë Li-Fraumeni, një gjendje që rrit deri në 90% rrezikun për të zhvilluar gjatë jetës forma të rënda kanceri, që nga tumoret e fëmijërisë e deri te kanceri i gjirit, trurit, kockave apo leucemitë.
Dhuruesi nga Danimarka, i cili rezulton ta këtë mutacion vetëm në rreth 20% të spermës së tij, ka lënë shumë pasoja tek fëmijët e krijuar prej spermatozoideve të tij.
Raportohet se disa prej fëmijëve, tashmë janë diagnostikuar me kancer, ku disa prej tyre kanë ndërruar jetë në moshë shumë të re.
Sipas një hetimi te BBC, është zbuluar se sperma e dhuruesit është shpërndarë në 67 klinika fertiliteti në vende si Danimarka, Belgjika, Spanja, Gjermania, Greqia, Polonia, Irlanda, Maqedonia e Veriut, Serbia, Hungaria, Gjeorgjia, Islanda, Qiproja dhe Shqipëria. Ndërsa vendi më i prekur është Belgjika, ku sperma me probleme e dhuruesit, 38 gra, dhe solli në jetë 53 fëmijë./BBC
