Një 38-vjeçar është arrestuar nga policia për mallra kontrabandë të dyshuara të futura ilegalisht nga Maqedonia e Ve...
AKTUALITET
Skandal në Elbasan/ Përroi zhduket, prona zaptohet, qytetari denoncon: Ma kthyen derën e shtëpisë në WC publike!
PiranjatPërditësimi i fundit 19 Mars 2026, 23:03
Një denoncim ka mbërritur në redaksinë e Piranjat News nga një qytetar i Elbasanit, lagjja “5 Maji” i cili akuzon fqinjin për zaptim prone, ndërhyrje të paligjshme dhe cenim të rëndë të jetesës së tij.
Sipas denoncuesit, prej rreth dy vitesh, një person që ka blerë një pronë ngjitur me shtëpinë e tij ka ndërmarrë veprime arbitrare duke ndryshuar kufijtë realë të pronës. Në qendër të konfliktit është një përrua ndarës mes dy pronave, i cili, sipas denoncimit është zhdukur në mënyrë të paligjshme.
“E ka futur në tuba dhe e ka mbuluar me dhe, duke e bërë sikur ajo tokë i përket atij”, shprehet qytetari, duke shtuar se kjo ndërhyrje ka sjellë zaptim të hapur të territorit të tij.
Por situata nuk ndalet këtu.
Denoncuesi pretendon se fqinji synon të shfrytëzojë hapësirën e zaptuar për aktivitet privat, duke vendosur tavolina lokali fare pranë derës së banesës së tij.
“Aty rrinë klientët dhe kryejnë nevojat personale para shtëpisë sime,” denoncon ai, duke e cilësuar situatën si të papranueshme dhe poshtëruese për jetesën e përditshme.
Edhe më shqetësues është fakti se pala tjetër, sipas tij, justifikohet duke pretenduar se “ka leje nga bashkia”, por pa paraqitur asnjë dokument zyrtar.
Ndërkohë, kufiri i pronës mbetet i cenuar dhe përroi që shërbente si ndarje natyrore është zhdukur plotësisht.
Denoncuesi i bën thirrje institucioneve që të reagojnë menjëherë, të verifikojnë në terren këtë ndërhyrje dhe të ndalin atë që ai e quan një shkelje flagrante të ligjit dhe të të drejtave të tij./Piranjat news
