Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
Skandali me diplomat e WISDOM/ Kush është zyrtarja e Arsimit që u ble me një çantë “Louis Vuitton”? Në dosjen e prokurorisë italiane përmendet dhe ish-ministrja Kushi
r.llPërditësimi i fundit 17 Shtator 2024, 14:28
foto ilustruese
ITALI- Janë zbardhur detaje të reja nga dosja e prokurorisë italiane lidhur me skandalin e shitjes së dplomave false nga Kolegji Universitar WISDOM në Itali. Në krye të skemës së mashtrimit janë dy administratorët e Kolegjit Universitar Wisdom në Tiranë, çifti i bashkëshortëve Savino Cianci dhe gruaja e tij Lucia Catalano. Bashkë me ta janë vënë në pranga edhe disa shtetas të tjerë italian.
Për të marrë akreditimin e universitetit Wisdom, italianët shpërblyen shefen e Bordit të Akreditimit i Agjencisë së Sigurimit të Cilësisë në Arsimin e Lartë me një çantë me vlerë gati 1200 euro të markës Luis Vuitton. Në dosje emri i saj është shkruar si Aquila Telhaj, por që nga një kërkim i thjeshtë në google rezulton të jetë Shqiponja Telhaj. ASCAL është një organ qeveritar, ndërsa Shqiponja Telhaj rezulton që të jetë zgjedhur me emërim direkt nga kryeministri Edi Rama. Telhaj ka pasur detyrën që të ndiqte të gjithë procedurën për akreditimin e Wisdom University.
Ndërkohë referuar sërish të dhënave nga dosja, Cianci dhe Catalano janë kujdesur që me rastin e Krishtlindjes (25 dhjetor) të përgatisin dhe të dorëzojnë dhurata edhe drejtuesit e Ministrisë së Arsimit asokohe, duke përmendur emrin e Evis Kushit. Dhe gjithashtu në listën e personave, ishin edhe shtetas italianë.
“Lucia Catalano dhe Savino Cianci bëjnë çmos për të përgatitur dhe për të dorëzuar dhuratat për festat e Krishtlindjeve për: Pietrangeli (ambasador), Lucia Cuçiarelli dhe Carlo Intaschini, Evis Kushi…”, thuhet ndër të tjera në dokumentet e publikuara nga mediat italiane.
Lidhur me këtë çështje Versus.al ka folur me deputeten socialiste Evis Kushi e cila asokohe drejtonte ministrinë e Arsimit. Kushi sqaroi se në asnjë moment emri i saj nuk përmendet në dosjen e prokurorisë italiane si person të cilit do t’i jepeshin dhurata në këmbim të ndonjë ndikimi prej saj në procedurën e akreditimit.
“Personi në hetim thoshte aty përpiqej që të blinte dhurata për Krishtlindje, dhurata të vogla dhe thotë emrin e shportave. Kjo është e vetmja herë ku përmendet emri im. Në paragraf thuhet thotë shporta për Krishtlindje, jo dhurata sepse dhurata për krishtlindje mund të jenë edhe çanta. Këtu është fjala për shporta të cilat u dhurohen institucioneve për Krishtlindje. Por unë nuk e mbaj mend dhe nuk di të them nëse kanë ardhur shporta të tilla në ministri asokohe”, theksoi Kushi.
Sa i takon akreditimit të kolegjit universitar WISDOM të përfshirë në skandalin e zbuluar nga prokuroria italiane, ish-ministrja nënvizoi se institucioni i ASCAL që merret me akreditimin nuk ishte nën përgjegjësinë e saj, duke ia faturuar Edi Ramës përgjegjësinë, kur ka thënë se ASCAL vepronte i pavarur nga ministria e Arsimit dhe anëtarë të bordit ishin në shumicë të huaj me qëllim që të mos kishte asnjë lloj premise për përfshirjen e tyre në korrupsion. Por ajo që dihet është se përgjegjësja e institucionit të akreditimit ishte emërim direkt i kryeministrit Edi Rama.
Në artikullin e mediave italiane thuhet se dokumentet e prokurorisë italiane gjithashtu dëshmojnë se universiteti Wisdom printonte diplomat false, përkundrejt pagesave që varionin nga 6 mijë deri në 20 mijë euro, në varësi të degës së specializimit.
