Ish-zëvendëskryeministri Arben Ahmetaj, në një intervistë me “Çim Peka Live”, deklaroi se Rama e ka humbur fuqin&eum...
AKTUALITET
Skenë filmash në bastionin e Ibrahim Licit, kush është krimineli që qëlloi në ajër për t’i shpëtuar policisë? Dyshohet se është besniku i “Fantazmës”
PiranjatPërditësimi i fundit 9 Mars 2026, 21:31
Të shtëna me armë zjarri dhe një skenë si nëpër filma u regjistrua pasditen e kësaj të hënë në lagjen “Kiras” në kryeqendrën e veriut, Shkodër, një zonë që shpeshherë përmendet nga autoritetet si bastion i grupit të lidhur me Ibrahim Licin, i njohur në botën e krimit edhe me nofkën “Fantazma”.
Siç dhe raportuam më herët, ngjarja u regjistrua rreth orës 15:10, gjatë një patrullimi rutinë të shërbimeve të policisë në këtë lagje. Efektivët konstatuan një automjet, në të cilin udhëtonin dy persona dhe i bënë shenjë që të ndalonin, me qëllim për një kontroll rutinë.
Mirëpo, drejtuesi i mjetit nuk iu bind urdhrit të uniformave blu, duke shtuar shpejtësinë dhe kryer manovra të rrezikshme në rrugë me qëllim për t’i shpëtuar kontrollit policor.
Situatë kjo e cila bëri që menjëherë efektivët të vihen në ndjekje të automjetit. Gjatë këtij aksioni, pasagjeri i cili ndodhej në automjet ka nxjerrë armën dhe ka qëlluar një herë në ajër.
Burime, të cilët ende nuk janë të konfirmuara zyrtarisht, bëjnë me dije se personi i cili ndodhej në vendin e pasagjerit dyshohet të jetë një nga njerëzit më të besuar të Ibrahim Licit. Pas një ndjekje të shkurtër, efektivët arritën që të neutralizonin dhe të shoqëronin në Komisariat drejtuesin e mjetit, identiteti i të cilit nuk është bërë me dije për momentin.
