Kryetari i Partisë Demokratike, Sali Berisha, ka shpërthyer me akuza dhe fyerje ndaj deputetit socialist Blendi Klosi gjatë seancës plenar...
AKTUALITET
U denoncua nga PIRANJAT, SPAK dërgon për gjykim ish-kryetaren në detyrë të bashkisë Tropojë, Zyra Islamaj dhe ndërtuesin Rrok Gega
PiranjatPërditësimi i fundit 26 Nëntor 2025, 10:18
Pas publikimit nga Piranjat të tenderit të dyshimtë të kryer nga Kryetarja e Bashkisë Tropojë në kundërshtim me ligjin, SPAK ka dërguar për gjykim dosjen e ish-kryebashkiakes në detyrë, Zyra Islamaj, e cila akuzohet për korrupsion, së bashku me ndërtuesin Rrok Gega.
Islamaj akuzohet për kryerjen e veprës penale “Korrupsion pasiv i personave që ushtrojnë funksione publike”, parashikuar nga neni 259, paragrafi i dytë i Kodit Penal.
Nga hetimet e nisura pas raportimit nga Piranjat, rezulton se Zyra Islamaj është përpjekur, përmes një tenderi publik, të favorizojë ndërtimin e një ure në dobi të familjarëve të saj.
Ajo ka ndërhyrë te ndërtuesi Rrok Gega për të realizuar ndërtimin e urës mbi përroin që kalon pranë shtëpisë së motrës së saj.
Gjithashtu, ka planifikuar të përfshijë edhe teknikun e mirëmbajtjes së rrugëve, punonjës i Bashkisë Tropojë, për të ndihmuar ndërtuesin.
Nga ana e tij, ndërtuesi ka pohuar se ndërtimi i urës nuk ishte pjesë e ndonjë procedure tenderimi dhe se do të realizohej si një "dhuratë" për kryebashkiaken.
1. Prokuroria e Posaçme kundër Korrupsionit dhe Krimit të Organizuar me datë 29.09.2025 ka paraqitur pranë Gjykatës kërkesën me objekt: “Dërgimin në gjyq të çështjes penale me nr. 15/2026, në ngarkim të të pandehurve: Rrok Gega, akuzuar për kryerjen e veprës penale “Korrupsioni aktiv i personave që ushtrojnë funksione publike”, parashikuar nga neni 244/2 i Kodit Penal dhe Zyra Islamaj, akuzuar për kryerjen e veprës penale “Korrupsioni pasiv i personave që ushtrojnë funksione publike”, parashikuar nga neni 259/2 i Kodit Penal”.
2. Në seancën e datës 25.11.2025 (seanca paraprake), Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë nga gjyqtarja Irena Gjoka, pasi shqyrtoi pretendimet e palëve, bazuar në nenet 112, 332/dh, pika 1, gërma “a”, 332/ë, 332/gj, pika 1 të K.Pr.Penale, me vendimin nr. 149, datë 25.11.2025, vendosi: I. Pranimin e kërkesës së palës kërkuese, Prokuroria e Posaçme kundër Korrupsionit dhe Krimit të Organizuar për dërgimin në gjyq të çështjes penale që i përket procedimit penal nr.15, viti 2025 në ngarkim të të pandehurve: 1. Rrok Gega, akuzuar për kryerjen e veprës penale “Korrupsioni aktiv i personave që ushtrojnë funksione publike“, parashikuar nga neni 244, paragrafi i dytë i Kodit Penal. 2. Zyra Islamaj, akuzuar për kryerjen e veprës penale “Korrupsioni pasiv i personave që ushtrojnë funksione publike“, parashikuar nga neni 259, paragrafi i dytë i Kodit Penal. II.
Dërgimin e çështjes për gjykim pranë Gjykatës së Posaçme të Shkallës së Parë për Korrupsionin dhe Krimin e Organizuar, me tjetër trup gjykues. III. Fashikulli i gjykimit do të përmbajë të gjitha aktet e hetimit paraprak, të përfshira në 1 volum hetimor (përveç deklarimeve të shtetasve të pyetur me cilësinë e personave që kanë dijeni për rrethanat e ngjarjes). IV. Kundër këtij vendimi nuk lejohet ankim.
