Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
SPAK nuk e lejoi të takojë avokatë të huaj, Erion Veliaj lëvizë “gurë të tjerë”
PiranjatPërditësimi i fundit 4 Shtator 2025, 12:12
Erion Veliaj ka ankimuar në Gjykatën e Posaçme një shkresë të SPAK që refuzoi kërkesën e tij për ta lejuar të takonte avokatët e huaj me qëllim përgatitjen e procedurës para Gjykatës së Strasburgut.
Ish-kryebashkiaku i Tiranës është marrë i pandehur nga Prokuroria e Posaçme për 5 akuza, si korrupsion, pastrim parash, fshehje e pasurisë, shpërdorim detyre dhe futje e sendeve të paligjshme në vendin e vuajtje së dënimit.
Veliaj mbrohet nga dy avokatët, Ermir Beta dhe Artur Selmani, por përmes një kërkese drejtuar SPAK pretendonte të takohej dhe me avokatët e dy studiove të huaja, të cilat ka pajtuar qe ti përgatisin dosjen për në Strasburg.
Megjithatë, SPAK e ka rrëzuar kërkesën e Veliaj, me argumentin se ligji i lejon vetëm dy avokatë, dhe se që një avokat i huaj ta mbrojë në gjykatë duhet se pari të jetë i regjistruar pranë një studioje avokatie ne Shqipëri dhe duhet të jetë nga një prej vendeve pjesë e Bashkimit Europian.
Veliaj ka bërë ankim kundër vendimit të SPAK dhe pritet që gjykatësi Erion Bani të marrë vendim lidhur me këtë kërkesë të tij, pra nëse do të lejojë takim të avokatëve të huaj me kryetarin e Bashkisë së Tiranës në ambientet e paraburgimit të Durrësit.
Vlen të theksohet se SPAK i ka mbyllur hetimet për Veliajn, bashkëshorten e tij Ajola Xoxa, si dhe 28 persona të tjerë, shoqëri dhe OJF dhe dosja pritet të dorëzohet brenda muajit për gjykim në gjykatën e Posaçme.
