Revolta kundër ndërtimeve në Zvërnec nuk është kufizuar vetëm brenda Shqipërisë. Dje dhe sot, shqiptarë që...
AKTUALITET
SPAK ‘zbërthen’ rolet e trafikantëve, si i kaluan 21 kg kokainë nga Porti i Durrësit drejt Italisë (Dosja)
PiranjatPërditësimi i fundit 28 Qershor 2023, 17:40
Të tjera detaje dalin në dritë në lidhje me grupin e trafikut të drogës, që çoi dje në arrestimin e 20 personave. Në vitin 2021 grupi i trafikantëve po përgatitej të trafikonte 21 kilogramë kokainë nga Shqipëria në drejtim të Italisë. Ky transport, sigurisht kishte dhe organizatorët e tij dhe rolet ishin të ndara.
Në dosjen e SPAK zbulohet roli që kishin Arian Tola, Artur Sulaj, Pirro Capi dhe Donald Marku. Mësohet se lënda narkotike ka kaluar me kamion nga Porti i Durrësit, në drejtim të Milanos, deri në dorëzimin e saj në Itali.
Çfarë thuhet në dosje
Konkretisht nga hetimi ka rezultuar e provuar se në këtë episod, (si dhe provat e administruar nga provat e administruara nga Autoritetet Italiane ne kuadër te Skuadrës së Përbashkët Hetimore), rezulton se nga data 03.11.2021 deri me date 16.11.2021, shtetasit Artur Sulaj, Arian Tola, Pirro Capi, dhe persona të tjerë ende të pa identifikuar kanë organizuar sigurimin, magazinimin, transportimin dhe trafikimin e një sasie prej rreth 21 kilogramë lëndë narkotike e llojit kokainë nga Shqipëria drejt Italisë. Këta shtetas kanë bashkëpunuar me njeri tjetrin për sigurimin, futjen në vendin e fshehtë në kamion dhe dorëzimin në Itali. Gjatë hetimeve ka rezultuar se kalimi i lëndës narkotike është bërë nga pika kufitare porti i Durrësit duke përdorur kamionin me targa AB465EH i drejtuar nga shtetasi Artur Sulaj me destinacion qytetin e Milanos ne Itali. Nxjerrja e lëndës narkotike nga kamioni është bërë nga shtetasit Arian Tola dhe Artur Sulaj në një parking në qytetin e Milanos dhe i është dorëzuar shtetasit Donaldo Marku, i cili mbasi ka marrë këtë lëndë narkotike, është ndaluar nga forcat e policisë.
Gjatë bisedave, Artur Sulajm shoferi i kamionit me të cilën u transportua kokainë ishte në dijeni se telefonatat përgjoheshin. Ai reagon i shqetësuar me Arian Tolën se bashkëpunëtorët po veprojnë pa u ruajtur dhe kjo mund të kishte probleme.
(B): Me rob shpie si jevgjit jemi, me rob shpie, gerrthet ne telefon si rrotë k** aaaa me u duke!!
(A): Ate hall kam une o burrë se keto flasin në tavolinë shumë!! Se rruj k** une se rruj k** unë, kur erdhi puna nigjo i thashë se po të përgjohet telefoni, ku e rruj k* unë tha une kam ike 30 vjet me telefon! E mirë, erdhi pas ca ditësh tha ej tha si me ja bo, jo mo i thashe unë se se rruj k* njeri për telefonin, jo tha se po te pergjohet tha, e rrot k thathe vari k**, nuk janë muhabete keto jooo!!”
