Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
Stacioni fantazmë i Roskovecit – 100 mijë euro për kullë elektrike që nuk ekziston
PiranjatPërditësimi i fundit 13 Shtator 2025, 13:44
Bashkia e Roskovecit, me në krye kryetaren Majlinda Bufi, në 22 janar të 2025-ës hapi tenderin me fond limit 112 mijë e 500 euro për të instaluar 3 “smartflower” dhe për të ndërtuar stacion për makinat e elektrike bashkë me njësitë e karikimit.
Vlen të theksohet fillimisht se oferta fituese ishte ajo e kompanisë Albavia me vlerë 106 mijë euro pa tvsh, afërsisht 26 mijë euro më shumë se çmimi që këto pajisje kanë në internet!
Megjithatë, sot rreth tetë muaj pas rezulton se stacioni për makinat elektrike mbetet "fantazmë" në Roskovec.
Deri më tani, në këtë qyteti, ndonëse afatit përfundimtar i përmbushjes së tenderit ka kaluar, ende ky investim nuk është kryer ose të paktën i plotë.
Pas investigimit të bërë nga Piranjat, kryebashkiakja Bufi përmes një postimi në “Facebook”, njoftoi instalimin e tre luleve inteligjente në qytet.
Megjithatë, ajo ende nuk ka sqaruar se përse mungonte stacioni elektrik i karikimit të makinave, apo thënë ndryshe, përse kur janë dhënë më shumë se 100 mijë euro nga taksat e qytetarëve, ky investim është lënë “gjysmak”.
Për të mos thënë më kryesoren se Bashkia e Roskovecit “hedh poshtë” mbi 100 mijë euro nga taksat e qytetarëve, kur në këtë qytet janë në total katër makina elektrike dhe për to në hyrje të qytetit ishin vendosur katër karikues privatë.
