Ish-kreu i Autoritetit Rrugor Shqiptar (ARRSH), Gentian Gjyli, dhe ish-drejtori i Korporatës Elektroenergjitike Shqiptare (KESH), Erald Elezi, janë ...
AKTUALITET
Studiuesi Behar Gjoka i bashkohet protestës kundër Ramës: Ligjet e posaçme po shkatërrojnë Shqipërinë
PiranjatPërditësimi i fundit 24 Qershor 2026, 19:55
Protestës në Tiranë kundër kryeministrit Edi Rama i është bashkuar edhe një profesor i Letërsisë, i cili ka renditur disa argumente të rëndësishme pse kjo protestë nuk duhet të ndalet.
“Po filloj nga më e thjeshta, u vendos taksa e arsimit, e përkohshme. Jo vetëm që u kthye në disa vite, por edhe është rritur. Ne paguajmë ujin që nuk është i pastër, paguajmë korrupsionin, paguajmë dhunën, do të thosha, shtetërore.
Nuk ka administratë që ta gjesh në punë. Shpërfillja e qytetarit, mohimi i të drejtës së tyre të përfaqësimit është thelbi i demokracisë. Në këtë kuptim, mendoj se kush ka mundësi duhet t’i dalë për zot vetes, ta dëshmojë atë të drejtë që i është dhunuar”, tha ai.
Gjoka theksoi gjithashtu se përdorimi i ligjeve të posaçme po ndikojnë negativisht në jetën e qytetarëve dhe në të ardhmen e vendit.
“Tani jemi në situatën e shpërdorimit me ligj. Ligjet e posaçme janë ato që po shkatërrojnë Shqipërinë, jetën e qytetarit, të nesërmen, dhe mendoj që, nëse kupa u derdh, nuk e kuptoj se çfarë ka mbetur për të bërë në dëshmimin e kësaj të vërtete”, u shpreh profesori për news24.
Në fund të fjalës së tij, ai tha se protesta ka rikthyer shpresën te qytetarët dhe se sa më shumë të zemërohet pushteti, aq më e drejtë është protesta.
