Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
AKTUALITET
"'Super aksioni' i arrestimit të 30-vjeçarit në Vlorë i filmuar me regji nga policia", qytetarja ngre pyetjet: Pse mundoheni kaq shumë? Apo u vjen mirë kur ua shpërndan videot Balla?
r.llPërditësimi i fundit 20 Korrik 2024, 13:25
pamje nga arrestimi
VLORË- Policia e Vlorës njoftoi sot se një 30-vjeçar është arrestuar në Vlorë, pasi iu gjet kanabis në makinë, ndërsa në shtëpi pas kontrolleve, iu kapën armë zjarri. Bashkangjitur njoftimit ishte dhe videoja e momentit të arrestimit të tij, e filmuar nga policia, ku shihet makina e të riut e rrethuar me efektive.
Por e vërteta e videos së arrestimit me "super aksion" policor duket se qëndron ndryshe. Të paktën kështu është shprehur një dëshmitar okular i ndalimit të të riut nga shërbimet policore. Në denoncimin e saj në faqen Disidentët në Facebook, dëshmitarja thotë se filmimet e policisë janë të realizuara me regji.
Ndërsa arrestimi në Vlorë, sipas saj është një provë e pastër e këtij fakti. Ajo tregon se policia e ndaloi fillimisht djalin për kontroll dhe e ka mbajtur derisa kanë ardhur fugoni me policë dhe motori i Shqiponjave. Më pas sipas saj, i kanë thënë të ikë. Pasi djali është nisur për në lagje, policia e ka ndjekur dhe ka filmuar videon e arrestimit të tij. Pas denoncimit këtij episodi me policinë, qytetja ngre pyetjet: Pse mundoheni kaq shumë? Apo ka filluar u vjen mirë kur ua shpërndan videot Taulant Balla?
POSTIMI I PLOTË:
Të dhjefsha Eduart Grishajn për regji...këta të Policisë janë gjenial fare. Se nuk e besoja unë një shokun tim kur thoshte që policia filmimet i bën me regji. Këtë herë isha vetë dëshmitare.
Atëherë: Sot policia na thotë se ka arrestuar një 30 vjeçar në Çole për armëmbajtje dhe lëndë narkotike...me një super aksion, super ndjekje Të ua shpjegoj unë si ndodhi? Një polic ndaloi një makinë të kuqe pak metra poshtë tregut të Çoles, pas informacioneve (nga ndonjë I njohur) i gjetën 1 cigare hashash.
Djali ishte i shoqëruar me një vajzë në makinë... polici (një i vetëm civil) e ndaloi makinën dhe e ka mbajtur mbi 20 minuta të ndaluar deri sa të vinte furgoni i Policisë dhe motori i Shqiponjave . (Në vidio dëgjoni policin civil që u flet me zë të lartë Shqiponjave për tu treguar ku ishte)
Pasi pritën mirë e mirë... E futën prapë në makinë këtë djalin dhe i thanë të ikte, pasi u nis për në lagje, këta e ndoqën prapë dhe bën filmimet e këtij super aksioni. Tani që të merremi vesh: aksioni shumë mirë që u bë, atë djalin mirë bëtë që e arrestuar për armët në banesë dhe hashashin në makinë...Bravo.... Po me këto filmimet me regji mos e teproni më se latë nam. Na keni lënë pa punë neve që merremi me këtë punë. Pse mundoheni kaq shumë? Apo ka filluar u vjen mirë kur ua shpërndan videot Taulant Balla?
