Zbardhen detaje rreth profilit të autori ttë ngjarjes në Maliq, që vrau një polic dhe plagosi një tjetër. Violand Bracellar...
AKTUALITET
Taulanti kërkon një përgjegjës
Enton AbilekajPërditësimi i fundit 6 Maj 2024, 17:22
Enton Abilekaj
Taulant Balla vendosi të kapte pak protagonizëm nga tragjedia, kur doli të njoftonte për gjetjen e vajzes së dytë të mbytur në liqen. Megjithëse ende nuk dihet cfarç ka ndodhur, si ka ndodhur dhe as pse ka ndodhur, ai thirri lotët në ndihmë dhe, megjithëse i erdhën me kursim, u bëri thirrje grave dhe vajzave të denoncojnë dhunën në familje.
Në momentin që të gjithë i kishin sytë te operacioni, mesazhi do të ishte shumë efektiv, nëse e vërteta do të ishte se dhuna ndodh vetëm për shkak të nënshtrimit apo frikës së grave. Në fakt dhuna ndodh për shkak të përqeshjes së policeve, për shkak të mungesës së trajnimit të forcave të rendit, për mungesën e një punonjësi me ose pa uniformë të specializuar për të trajtuar raste të tilla. Dhuna ndodh se gratë që shkojnë në polici për tu mbrojtur detyrohen të kthehen në shtëpi për tu trajtuar akoma më keq, si shkelëse të nderit, pasi policet i kanë refuzuar.
Nëse Taulanti do prekej vërtetë, bashkë me dhimbjen duhet të shprehte edhe pendesën që nuk e ka bërë policinë të aftë për të trajtuar dhunën në familje, duhet tu bënte thirrje më shumë policëve harbute patriarkale më shume se grave dhe vajzave. Dhe, mbi te gjitha, të priste një herë hetimin e ngjarjes për të kuptuar rrethanat.
