Inspektorati i Lartë i Drejtësisë i është drejtuar Gjykatës Kushtetuese me kërkesën për fillimin e procedimit dis...
AKTUALITET
“Të hetohet ndërtimi i resortit në Gjirin e Manastirit”/ Denoncimi i PD: Manipulime në procesin shkencor arkeologjik në Butrint
PiranjatPërditësimi i fundit 26 Mars 2026, 12:28
Zëdhënësja për Antikorrupsionin në Partia Demokratike, Genta Vangjeli, ka ngritur akuza lidhur me ndërtimin e një resorti në zonën e Manastirit, pjesë e Parkut Kombëtar të Butrintit.
Në një deklaratë për mediat, Vangjeli e ka e cilësuar procesin si të dyshimtë dhe në favor të interesave private.
Sipas deklaratës, ndërhyrjet në këtë zonë kanë transformuar Gjirin e Manastirit, duke dëmtuar potencialin arkeologjik, përfshirë edhe një zbulim të bërë në vitin 2010. PD pretendon se autoritetet e kulturës kanë censuruar dokumente dhe kanë ndryshuar qëndrime lidhur me projektin.
“Ndërtimi i resortit në zonën e Manastirit, pjesë e Parkut Kombëtar të Butrintit, ngre dyshime serioze për ndërhyrje të qëllimshme në procesin shkencor arkeologjik, me synim favorizimin e interesave private. Ndërtimi i këtij resorti transformoi përgjithmonë Gjirin e Manastirit, që ndan Detin Jon me Liqenin e Butrintit dhe nga ana tjetër shkatërroi potencialin arkeologjik të zonës, përfshirë një zbulim të vitit 2010”, deklaron Vangjeli.
Prandaj, Partia Demokratike kërkon:
Hetimin në mënyrë të plotë dhe të pavarur të këtij rasti;
Të verifikohet integriteti i raportit arkeologjik dhe procedurave të ndjekura;
Të vendosen përgjegjësi për çdo shkelje ligjore apo profesionale;
Të garantohet mbrojtja reale e pasurive kulturore dhe transparenca e plotë për publikun.
Trashëgimia kulturore nuk mund të trajtohet si mall për t’u negociuar.
Ajo është pasuri kombëtare dhe detyrim ndaj brezave që vijnë.
