Të shtënat me armë zjarri në Shkodër/ Qëllohet drejt një automjeti të parkuar, autori po lëvizte me një motor

SHKODRA- Detaje të tjera janë zbardhur nga të shtënat me armë zjarri të regjistruara mbrëmjen e sotme në Shkodër në lagjen Partizani të Shkodrës në sheshin Rus, ku një person qëlloi me armë zjarri në drejtim të makinës së Elvis Hoxhës. Mësohet se rreth orës 20:10, në lagjen Partizani, në sheshin Rus, nga një person që qarkullonte me një motomjet pa targa ka qëlluar me armë zjarri në drejtim të automjetit tip "Peugeot" të parkuar, në pronësi të Hoxhës.

Nga të shtënat janë shkaktuar vetëm dëme materiale në automjetin e Hoxhës dhe dëmtime të lehta dhe në një automjet të parkuar afër automjetit tip Peugeot. Ndërkohë janë ngritur pika kontrolli dhe po ushtrohen kontrolle në zonë dhe ambiente të ndryshme ku dyshohet se mund të jenë fshehur autori dhe bashkëpuntori i tij, drejtuesi i motomjetit.

Njoftimi:

Rreth orës 20:10, në lagjen Partizani, në Sheshin Rus, nga një person që qarkullonte me një motomjet pa targa është qëlluar me armë zjarri në drejtim të automjetit tip Peugeot të parkuar, në pronësi të shtetasit E. H.

Nga të shtënat janë shkaktuar vetëm dëme materiale në automjetin e shtetasit E. H., si dhe dëmtime të lehta dhe në një automjet të parkuar afër automjetit tip Peugeot.

Pas marrjes së njoftimit shërbimet e Policisë dhe Grupi Hetimor kanë shkuar menjëherë në vendngjarje dhe po punojnë për sqarimin e rrethanave, identifikimin dhe kapjen e autorit dhe të drejtuesit të motomjetit që lëvizte autori.

Ndërkohë janë ngritur pika kontrolli dhe po ushtrohen kontrolle në zonë dhe ambiente të ndryshme ku dyshohet se mund të jenë fshehur autori dhe bashkëpuntori i tij, drejtuesi i motomjetit.

shkodra