Qytetarë, ambientalistë dhe aktivistë të shoqërisë civile janë mbledhur këtë mbrëmje në Tiranë p&e...
AKTUALITET
Policia i tërhoqi zvarrë të rinjtë, rezidenca studentore justifikohet: Kishte fluks të pazakontë!
PiranjatPërditësimi i fundit 18 Shtator 2025, 17:23
Studentët që pritet të nisin vitin e ri akademik janë përballur me radhë të gjata dhe situata aspak të këndshme. Kjo pasi prej ditës së sotme kanë pritur në radhë para Drejtorisë së Konvikteve për t'u regjistruar, ndonëse shumica e dhomave janë bosh refuzohet strehimi i studentëve që vijnë nga rrethet.
Kjo për shkak se shumë drejtues të QS dhe punonjës kanë shtëpi që i japin me qira dhe i detyrojnë studentët të shkojnë në shtëpitë e tyre me qira në zonat përrreth QS.
Kriteri i vendosur që studenti duhet të paguajë konviktin 5 muaj njëherësh ose një vit është diskriminues duke llogaritur faktin se studentët vijnë nga rrethet nga familje me të ardhura të pakta. Madje disa studentë njoftojnë se drejtuesit i japin dhomat që mbeten bosh me qira për njerëz që nuk janë studentë ose më keq mund ti përdorin për airbnb.
Pavarësisht kësaj, studentët u tërhoqën zvarrë nga policia duke i larguar nga godinat. Për të justifikuar "të priviligjuarit" sot pas kaosit e krijuar, stafi i Rezidencës Studentore dolën në deklaratë duke thënë që vende ka.
Deklaratë e Rezidencës Studentore:
Rezidenca Studentore Universitare Nr. 1 njofton se, gjatë ditës së sotme, u evidentua një fluks i pazakontë aplikimesh për regjistrim në Godinën Nr. 3, e cila sapo është rikonstruktuar me standarde bashkëkohore. Ky objekt ofron një kapacitet prej 61 vende (30 dhoma dyshe + 1 vend për persona me aftësi ndryshe), ndërkohë që numri i aplikantëve arriti në rreth 300 studentë, duke shkaktuar momente tensioni gjatë procesit të regjistrimit.
Godina Nr. 3 është pjesë e Projektit të Rikonstruksionit të Godinave të Qytetit Studenti me Efikasitet Energjetik, financuar nga Banka Gjermane për Zhvillim (KfW) dhe Bashkimi Evropian.
Faza e parë e projektit ka përfunduar me rikonstruksionin e pesë godinave.
Faza e dytë, që pritet të nisë në një periudhë të afërt, përfshin rikonstruksionin e 14 godinave të tjera.
RSU Nr. 1 siguron se kapacitetet e përgjithshme akomoduese janë të mjaftueshme për të plotësuar kërkesat e të gjithë studentëve. Aktualisht janë të disponueshme hapësira banimi në godinat 24, 25, 26, 27, 28 dhe 29, të cilat ofrojnë kushte të rregullta jetese dhe shërbimet e nevojshme për një akomodim dinjitoz.
Falënderojmë studentët dhe familjet për mirëkuptimin dhe bashkëpunimin e treguar dhe i ftojmë të ndjekin njoftimet zyrtare për çdo informacion të mëtejshëm.
Godina Nr. 3 është pjesë e Projektit të Rikonstruksionit të Godinave të Qytetit Studenti me Efikasitet Energjetik, financuar nga Banka Gjermane për Zhvillim (KfW) dhe Bashkimi Evropian. Projekti është ndarë në dy faza:
RSU Nr. 1 siguron se kapacitetet akomoduese janë të mjaftueshme për të përmbushur kërkesat e të gjithë studentëve, duke bërë të ditur se aktualisht janë të disponueshme hapësira banimi në godinat 24, 25, 26, 27, 28 dhe 29, të cilat ofrojnë kushte të rregullta jetese dhe shërbimet e nevojshme për një akomodim dinjitoz.
