Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
AKTUALITET
Tentoi të vidhte me dhunë 3 shtetase të huaja/ Arrestohet 18-vjeçari në Durrës, procedohet në gjendje të lirë bashkëpunëtori (VIDEO)
m.lPërditësimi i fundit 29 Prill 2025, 10:12
DURRËS- Një 18-vjeçar është vënë në prangat e policisë në qytetin e Durrësit ditën e sotme si rezvultat i finalizimit të operacionit policor të koduar 'Provat'. Mësohet se Dorjan Abazi ka tentuar të vjedhë me dhunë tre shtetase të huaja, si edhe janë dokumentuar dy vjedhje të tjera të kryera me dhunë nga ky autor. Mbi autorin rëndojnë veprat penale 'vjedhje me dhunë' e mbetur në tentativë, 'vjedhja', 'mbajtja pa leje dhe prodhimi i armëve, armëve shpërthyese dhe i municionit' dhe 'shkatërrimi i pronës'.
Gjatë kontrollit policor në banesën e autorit, janë gjetur dhe sekuestruar në cilësinë e provës materiale një sasi unicioni luftarak dhe sende që dyshohen të jenë të vjedhura. Pas hetimeve bëhet me dije se po procedohet në gjendje të lirë bashkëpunëtori i tij, 36-vjeçari me inicialet E.D.
"Durrës/ Finalizohet operacioni policor i koduar “Provat". Tentoi të vidhte me dhunë 3 shtetase të huaja, identifikohet, kapet dhe vihet në pranga 18-vjeçari. Zbardhen dhe dokumentohen dhe 2 vjedhje të tjera të kryera me dhunë nga ky shtetas.
Specialistët për Hetimin e Krimeve të Komisariatit të Policisë Durrës, në vijim të punës për parandalimin e vjedhjeve, zbardhjen dhe dokumentimin ligjor të vjedhjeve të ndodhura më parë, kanë organizuar punën për zbardhjen e disa vjedhjeve të kryera me dhunë. Në kuadër të operacionit policor të koduar “Provat”, u arrestua në flagrancë për veprat penale “Vjedhja me dhunë”, mbetur në tentativë, “Vjedhja”, “Mbajtja pa leje dhe prodhimi i armëve, armëve shpërthyese dhe i municionit” dhe “Shkatërrimi i pronës”, shtetasi; Dorjan Abazi, 18 vjeç, banues në Durrës.
Ky shtetas dyshohet se në orët e para të mëngjesit në lagjen nr.13, Durrës, ka tentuar t’iu vjedhë me dhunë sendet personale, 3 shtetaseve italiane. Gjithashtu, nga hetimet dyshohet se ky shtetas, më datë 27.04.2025, në lagjen nr. 13, ka thyer xhamin e një automjeti dhe ka marrë disa sende personale, dhe më datë 28.04.2025, ka thyer xhamin e një automjeti dhe ka marrë disa sende personale.
Gjatë kontrollit në banesën e shtetasit D. A., u gjetën dhe u sekuestruan një sasi municioni luftarak dhe disa sende të dyshuara të vjedhura. Në lidhje me hetimet e kryera, u procedua në gjendje të lirë për veprën penale “Moskallëzimi i krimit", shtetasi E. D., 36 vjeç, banues në Durrës. Në bashkëpunim me Prokurorinë vijon puna për zbardhjen dhe dokumentimin ligjor të vjedhjeve të tjera që dyshohet se janë kryer nga ky shtetas. Materialet procedurale iu referuan Prokurorisë së Durrës, për veprime të mëtejshme."
