Pak orë para protestës së paralajmëruar, Policia ka rrethuar me barriera metalike perimetrin pranë Parlamentit, nga Xhamia e Namazgja...
AKTUALITET
Tentoi të vriste me mjet prerës një 26-vjeçar/ Arrestohet 59-vjeçari në Elbasan, ndalohet dhe një mjek, nuk plotësoi kartelën mjekësore të të plagosurit
n.fPërditësimi i fundit 12 Tetor 2024, 11:17
Foto ilustruese
ELBASAN- Një 59-vjeçar është vënë në pranga ditën e sotme në Elbasan. Mësohet se arrestimi i tij ka ardhur një ditë pasi tentoi të plagoste me mjet prerës një 26-vjeçar. Policia bën me dije se pasi është identifikuar autori, është bërë lokalizimi dhe më pas arrestimi i tij.
Gjithashtu e ka pësuar edhe një mjek pasi në spitalin ku ka marr mjekim 26-vjeçari, nuk ka shënuar në kartelën mjekësore asnjë informacion mbi mjekimet e dhëna të pacientit. Për këtë arsye Prokuroria ka urdhëruar ndalimin e tij.
Elbasan/Finalizohet operacioni policor i koduar “Mesnata”. Zbardhet ngjarja e ndodhur mesnatën e djeshme, ku një shtetas tentoi të vriste me mjet të mprehtë, një 26-vjeçar. Si rezultat i veprimeve policore kapet dhe vihet në pranga autori i ngjarjes. Në pranga vihet dhe mjeku i spitalit ku mori mjekim 26-vjeçari, për shpërdorim të detyrës. Shërbimet e Komisariatit të Policisë Elbasan, pas marrjes së njoftimit se në lagjen "Haxhias", një shtetas kishte plagosur me mjet prerës një 26-vjeçar, menjëherë kanë organizuar punën për identifikimin dhe kapjen e autorit.
Si rezultat i reagimit në kohë dhe i veprimeve të shpejta operacionale dhe inteligjencës policore, në kuadër të operacionit policor të koduar "Mesnata", është bërë e mundur zbardhja e ngjarjes, identifikimi, lokalizimi, kapja dhe arrestimi i autorit të dyshuar shtetasit A. K., 59 vjeç, banues në Elbasan.
Nga veprimet hetimore rezultoi se shtetasi A. K., mesnatën e djeshme, në lagjen "Haxhias", në gjendje të dehur, ka tentuar të vrasë me mjet të mprehtë (thikë) shtetasin D. B., 26 vjeç, banues në Elbasan, i cili ka shkuar në spital për ndihmë mjekësore.
Po nga veprimet hetimore ka rezultuar se mjeku i rojes, në spitalin ku ka marr mjekim 26-vjeçari, nuk ka shënuar në kartelën mjekësore asnjë informacion mbi mjekimet e dhëna të pacientit. Për këtë arsye Prokuroria ka urdhëruar ndalimin e tij.
Urdhër ndalimi i Prokurorisë është ekzekutuar nga specialistët për Hetimin e Krimeve të Komisariatit të Policisë Elbasan, të cilët kanë ndaluar mjekun roje në spitalin ku ka marrë mjekim 26-vjeçari, shtetasin K. D., 32 vjeç, për veprën penale "Shpërdorimi i detyrës". Materialet procedurale i kaluan Prokurorisë, për veprime të mëtejshme
