Një shpërthim me lëndë të dyshuar plasëse është regjistruar në orët e para të mëngjesit të so...
AKTUALITET
Tentoi të vriste me thikë një 37-vjeçar, arrestohet agresori në Cërrik
b.zPërditësimi i fundit 7 Mars 2025, 09:06
Foto ilustruese
CËRRIK - Një 24-vjeçar ëhstë arrestuar nga Policia në Cerrik pasi akuzohet për tentativë vrasje. Në pranga ka rënë personi me iniciale, U.LL, pasi dyshohet se gjatë një konflikti të çastit për motive të dobëta, ka tentuar të vrasë me thikë një 37-vjeçar.
Ky i fundit ndodhet aktulaisht në spital nën kujdesin e mjekëve jashtë rrezikut për jetën. Materialet procedurale iu referuan Prokurorisë së Elbasanit, për veprime të mëtejshme.
Njoftimi i Policisë:
Gjatë një konflikti të çastit, tentoi të vriste me mjet prerës (thikë), një 37-vjeçar, arrestohet menjëherë pas ngjarjes, autori.
Procedohet në gjendje të lirë i plagosuri, i cili është jashtë rrezikut për jetën, pasi mbante në automjet, 1 shkop bejsbolli.
Sekuestrohen mjeti prerës, si dhe shkopi i besjbollit dhe automjeti i 37-vjeçarit.
Menjëherë pas njoftimit për një plagosje me mjet prerës, në fshatin Gjyralë, shërbimet e Komisariatit të Policisë Cërrik kanë organizuar punën dhe kanë shkuar në vendngjarje, për të kapur autorin dhe për të sqaruar rrethanat e rastit.
Si rezultat i ndërhyrjes së shpejtë dhe veprimeve policore profesionale, u kap dhe u vu në pranga, menjëherë pas ngjarjes, autori i dyshuar i rastit, shtetasi U. Ll., 24 vjeç, banues në Cërrik. Ai dyshohet se gjatë një konflikti të çastit, për motive të dobëta, ka tentuar të vrasë me mjet prerës (thikë), shtetasin S. Rr., 37 vjeç. I plagosuri është aktualisht në kujdesin e mjekëve dhe jashtë rrezikut për jetën.
Materialet procedurale iu referuan Prokurorisë së Elbasanit, për veprime të mëtejshme.
