Një pjesë protestuesish kanë përshkallëzuar aksionin e tyre në Tiranë, duke bllokuar qarkullimin në kryqëzimin pran...
AKTUALITET
Tentuan të kalonin me jaht në mënyrë të paligjshme drejt Mbretërisë së Bashkuar 7 emigrantë, arrestohen dy shqiptarë
PiranjatPërditësimi i fundit 28 Maj 2026, 16:08
Pesë persona mes tyre dy shqiptarë janë arrestuar në Mbretërinë e Bashkuar, pasi tentuan të transportonin shtatë persona në mënyrë të paligjshme, në Mbretërinë e Bashkuar. Ata u ndalua në brigjet jugore të Anglisë.
Sipas National Crime Agency, oficerët e Forcës Kufitare britanike ndërhynë sapo jahti mbërriti në marinën e Chichester, në ëest Sussex, mbrëmjen e së hënës, 25 maj.
Dy anëtarë të ekuipazhit, një shtetas britanik i moshës 42 vjeç dhe një shtetas shqiptar i moshës 25 vjeç, u arrestuan nën dyshimin për lehtësimin e emigracionit të paligjshëm në Mbretërinë e Bashkuar.
Oficerët identifikuan gjithashtu tre persona të tjerë, një shtetas britanik të moshës 38 vjeç dhe dy shqiptarë të moshës 24 dhe 32 vjeç, të cilët dyshohet se kishin shkuar në port për të pritur jahtin. Ata gjithashtu u arrestuan nën dyshimin për vepra penale të kontrabandës së njerëzve.
Të pesë u morën në pyetje nga hetuesit e NCA pas arrestimit të tyre. Tre më vonë u liruan me kusht në pritje të hetimeve të mëtejshme, ndërsa dy shqiptarët e moshës 25 dhe 32 vjeç, mbeten në paraburgim për vepra penale të imigracionit.
Shtatë individët e gjetur në anije, të gjithë shtetas shqiptarë, do të trajtohen nga autoritetet e emigracionit. Komandanti i degës së NCA, Saju Sasikumar tha, trajtimi i krimit të organizuar të imigracionit mbetet një përparësi kryesore për NCA.
"Duke punuar me partnerët tanë në Forcën Kufitare, ne jemi të vendosur të bëjmë gjithçka që mundemi për të shënjestruar, prishur dhe çmontuar bandat e përfshira në kontrabandën e njerëzve. Hetimi ynë për këtë incident vazhdon," tha ai.
