Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
AKTUALITET
Terrorizohen banorët e Lezhës/ Qëlluan në ajër me pistoletë, arrestohen dy të rinjtë (EMRAT)
S.BPërditësimi i fundit 10 Gusht 2024, 10:15
Pistoleta e sekuestruar
LEZHË- Të shtëna me armë janë dëgjuar ditën e sotme në lagjen “Skënderbeg” në Lezhë. Mësohet se Erion Berisha 32 vjeç dhe Petrit Neziri 24 vjeç qëlluan në ajër me pistoletë sportive me fishekë manovër, duke terrorizuar banorët dhe më pas u larguan me makinë.
Për pasojë është sekuestruar pistoleta, si dhe u bë e mundur arrestimi në flagrancë i dy autorëve. Ndaj tyre rëndon akuza për veprat penale “Prodhimi dhe mbajtja pa leje e armëve të gjuetisë dhe sportive” dhe “Prishja e qetësisë publike.”
Në cilësinë e provës materiale, u sekuestruan 6 gëzhoja të gjetura në vendngjarje.
Njoftimi i Policisë:
Lezhë
Qëlluan në ajër me pistoletë sportive me fishekë manovër, duke terrorizuar banorët dhe më pas u larguan, ndërhyrja në kohë e shërbimeve të Komisariatit të Policisë Lezhë çoi në prangosjen e dy shtetasve dhe procedimin e një tjetri në gjendje të lirë. Policia gjeti dhe sekuestroi pistoletën sportive të përdorur, e cila kishte një fishek manovër në karikator, si dhe automjetin me të cilin këta shtetas lëviznin. Shërbimet e Komisariatit të Policisë Lezhë, pas një telefonate të ardhur në Sallën Operative të DVP Lezhë nga banorët, se në lagjen “Skënderbeg” kishte të shtëna me armë zjarri, shkuan menjëherë në drejtim të adresës së dhënë. Nga verifikimet e shpejta dhe bashkëpunimi me qytetarët, u bë i mundur identifikimi, kapja dhe arrestimi në flagrancë i shtetasve: E. B., 32 vjeç, dhe P. N., 24 vjeç, banues në lagjen “Skënderbeg,” për veprat penale të “Prodhimi dhe mbajtja pa leje e armëve të gjuetisë dhe sportive” dhe “Prishja e qetësisë publike.” Gjithashtu, u referuan materialet në Prokurori, ku nisi procedimi në gjendje të lirë për pronarin e automjetit, shtetasin E. G., 28 vjeç, banues në lagjen “Skënderbeg.” Dy shtetasit e arrestuar dyshohen se kishin marrë automjetin e shtetasit E. G. dhe prej automjetit kanë qëlluar në ajër me pistoletë sportive me fishekë manovër, duke prishur qetësinë publike dhe terrorizuar banorët. Në cilësinë e provës materiale, u sekuestruan 6 gëzhoja të gjetura në vendngjarje. Materialet procedurale në ngarkim të këtyre shtetasve do t'i kalojnë Prokurorisë pranë Gjykatës së Shkallës së Parë të Juridiksionit të Përgjithshëm Lezhë për veprime të mëtejshme.
