Kreu i Partisë Demokratike, Sali Berisha, ka paralajmëruar shpërbërjen e strukturave policore “Shqiponjat” dhe RENEA, si dhe n...
AKTUALITET
“Ti Edi të vret pas shpine”/ Berisha publikon deklaratat e Ben Blushit në Parlament: Ky ishte fjalimi i jetës së tij!
PiranjatPërditësimi i fundit 22 Nëntor 2025, 12:58
Ish-kryeministri Sali Berisha ka ndarë më ndjekësit e tij në facebook, një fjalim të Ben Blushit, ish-deputetit të PS-së dhe njëherësh ish-kryetarit të Partisë Libra, para largimit nga Partia Socialiste!
Berisha në videon e publikuar thekson se ky ishte fjalimi i jetës së Ben Blushit kur ishte në Kuvend dhe që fliste dhe bënte opozitës ndaj maxhorancës socialiste.
Në këtë fjalim Blushi në vitin 2017 ka akuzuar asokohe për problemet më kryesore që sipas tij shqetësonin Shqipërinë, ndërkohë që e akuzonte Ramën se ky i fundit “të vret pas shpine”. “Ky ishte fjalimi i jetës së tij!”, shkruan Berisha në mbishkrimin e videos së Ben Blushit.
Fjalimi i Ben Blushit në vitin 2017:Ti Edi e ke këtë të vret pas shpine. E dinë të gjithë. Droga është përgjegjësia e Edi Ramës. E ka inkurajuar. Këto kanë ndodhur jo sepse është ky kryeministër. Sepse është Ilir Beqja ministri i shëndetësisë. Edhe shëndetësia arrin rreth 46%.
Sepse i gjithë Saimir Tahiri ministri i brendshëm, edhe ky e hoqi, sepse ka pas shumë banditë këtu. Apo jo? E këta nuk i kam sjellë unë. A ka shumë shqiptarë që thotë se kam ndenjur me një bandit? Po ka shumë shqiptarë që më akuzojnë se kam qenë shok i Edi Ramës. Është e vërtetë. Po a ka njeri që thotë që kam ndenjur me një bandit? A ka njeri që thotë që kam ndenjur me Elivis Roshin dhe kam bërë deputet apo kryetar bashkie?
A ka njeri që thotë që kam qenë shoku i Koço Kokëdhimës unë? A ka njeri që thotë që në 25 vjet, 17 vjet, Edi Rama kryetar bashkie, ministër, kryeministër. Si është bërë ky, ta pyesim Gramozin?
Si është bërë?… Duke na qarë të gjithëve ne tek shtëpia? Po, nuk e dini ju shumica që keni ardhur, po ne që për fat keq që kemi qenë e dimë, duke qarë. Unë nuk jam njërit banal. Unë flas për politikë, nuk flas për gjëra personale.
E sigurt që s’kam për t’i thënë shumë që di edhe shumë që më kanë thënë që di. Unë nuk tregohej me kë pi verë dhe nuk e derdh gotën e verës.
Unë nuk vij në parlament për të folur për gjëra personale. Unë vij për gjëra që shqetësojnë Shqipërinë e komunitetin ndërkombëtar. Kush janë këto? Droga është përgjegjësia e Ramës. E ka inkurajuar. Kush janë këto? Papunësia është përgjegjësia e Ramës. E ka inkurajuar!
Nuk e kam qeverisur Shqipërinë asnjë ditë. Asnjë ditë nuk e kam qeverisur Shqipërinë. Kush është përgjegjës për kontrabandë në Shqipëri? Kush është përgjegjës që 350 milionë euro nuk i merren të pasurve në Shqipëri, po i falën, në formë taksash? Këta janë miqtë e mi apo miqtë e Edi Ramës?
Kush është përgjegjës se janë trafikuar kaq shumë shqiptarë, 400 mijë shqiptarë të varfër, për të cilët nuk i vjen, nuk thonë asnjë fjalë këtu? Jam unë apo është Edi Ramë. Ky është banalizimi i këtij parlamenti.
