Gazeta franceze Le Figaro i ka kushtuar një artikull protestave të zhvilluara në Tiranë kundër qeverisë Rama, duke e vën&eu...
AKTUALITET
‘T’i largojmë këta demonë’/ Nga megafoni i protestës: Bukuroshe Balluku merre me vete në burg atë që të kërcënon’ – Revolta e brezit të ri
PiranjatPërditësimi i fundit 24 Nëntor 2025, 18:48
25-vjeçari që doli para protestuesve në skenën e ngritur para Kryeministrisë, u bëri apel të rinjve që të ngrihen dhe të marrin vetë në dorë drejtimin e vendit.
Gjatë fjalës së tij, ai nuk la pa përmendur edhe zv.kryeministren Belinda Balluku, të cilës, pas publikimit të përgjimeve që e ekspozuan publikisht, i kërkoi që nëse shkon drejt qelisë, të mos harrojë të marrë me vete edhe kryeministrin Edi Rama, të cilin e akuzoi se vazhdon ta kërcënojë.
Sipas të riut, është koha që rinia sot të largojë demonët e pushtetit dhe t’ia kthejë qeverisjen njerëzve humanë dhe të përulur.
Ky sistem po kalbëzohet çdo ditë e më shumë. Bukuroshe Balluku, bëji një nder vetes, merre me vete në qeli atë që të kërcënon, pas përgjimeve skandaloze që të dolën në shesh. Në këtë datë duhet të festoja 25 vjetorin tim, por s’mundem.
Ne rinia sot s’kemi fatin e fëmijëve të politikanëve, jam si shumica e shqiptarëve që i keni vënë shqelmin në fyt, keni varfëruar, keni shkatërruar arsimin e shëndetësinë.
Ftesa ime, të dalin me guxim, t’i largojmë këta demonë e të shpëtojmë Shqipërinë, e cila duhet të drejtohet nga njerëz që minimalisht janë humanë dhe e u dridhet zemra, të bëhemi bashkë të shpëtojmë nga kjo gjendje.
