Një ngjarje e rëndë është regjistruar në afërsi të ishujve të Ksamilit, ku është gjetur i pajetë n...
AKTUALITET
EMRI/ Tiranë, 15-vjeçari organizon lotari sportive për llogari të pronarit
PiranjatPërditësimi i fundit 10 Nëntor 2025, 11:58
37-vjeçari Andi Lula është arrestuar në Tiranë, pasi kishte punësuar ilegalisht një të mitur në lokalin e tij në zonën e “Kombinatit”.
Hetimet zbuluan se 15-vjeçari punonte si kamerier dhe organizonte lojëra fati për llogari të pronarit. Gjatë operacionit “The Game”, policia sekuestroi dy celularë dhe një kompjuter që përdoreshin për bastet.
Materialet iu referuan Prokurorisë së Tiranës për veprime të mëtejshme.
Njoftimi:
Kishte punësuar ilegalisht, në lokalin e tij në “Kombinat”, një të mitur, si kamerier dhe organizues të lojërave të fatit, arrestohet 37-vjeçari.
Vihet në hetim i mituri.
Sekuestrohen 2 celularë dhe 1 kompjuter, nëpërmjet të cilëve luheshin lojërat.
Si rezultat i administrimit të menjëhershëm të informacioneve të siguruara në rrugë operative, se një shtetas kishte përshtatur lokalin e tij, në "Kombinat", për organizim të kundërligjshëm të lojërave të fatit, specialistët e Seksionit për Hetimin e Krimeve Kibernetike, në bashkëpunim me shërbimet e Forcës së Posaçme Operacionale dhe me shërbimet e Forcës së Posaçme “Shqiponja”, finalizuan operacionin “The game”.
Në kuadër të operacionit u arrestua në flagrancë shtetasi A. L., 37 vjeç, banues në Tiranë, dhe nisi procedimi në gjendje të lirë për një 15-vjeçar.
Nga verifikimet rezultoi se i mituri ishte punësuar ilegalisht, si kamerier, në lokalin në pronësi të shtetasit A. L.. Gjithashtu, i mituri vinte baste sportive dhe organizonte lojëra fati të tjera, për llogari të pronarit të subjektit.
Materialet procedurale iu referuan Prokurorisë së Tiranës, për veprime të mëtejshme.
