Të rinjtë protestues kanë refuzuar thirrjet për dialog me kryeministrin Edi Rama.
Gjatë protestës, studentët kanë p&e...
AKTUALITET
Trafik i rënduar në autostradën Tiranë-Elbasan, radhë kilometrike nga Tuneli i Kërrabës deri në Bradashesh
PiranjatPërditësimi i fundit 5 Dhjetor 2025, 17:20
Një fluks i jashtëzakonshëm automjetesh është regjistruar këtë të premte në aksin kombëtar Tiranë–Elbasan, ku mijëra qytetarë nga Tirana i janë drejtuar zonave turistike të juglindjes për fundjavë. Lëvizja e shtuar ka sjellë ngadalësim të qarkullimit që nga Tuneli i Krrabës e deri në rreth rrotullimin e Bradasheshit, ndërsa situata është rënduar ndjeshëm në hyrje të Elbasanit, ku trafiku është pothuajse i paralizuar.
Për shkak të nisjes së pushimeve të shkurtra të fundjavës, kryeqyteti është “zbrazur” që në orët e para të pasdites , me qindra automjete që kanë krijuar radhë të gjata përgjatë gjithë segmentit. Sipas autoritetet rrugore, kolonat lëvizin me ritëm shumë të reduktuar, ndërsa në disa momente qarkullimi ka mbetur i bllokuar për disa minuta.
Policisë Rrugore ndodhen në disa pika të aksit me problematik në Shqipëri për të menaxhuar situatën dhe për të shmangur bllokimet totale, ndërsa u është bërë apel drejtuesve të mjeteve të respektojnë rregullat e qarkullimit dhe të shmangin parakalimet e rrezikshme që mund të rëndojnë më tej trafikun.
Autoritetet rrugore parashikojnë se fluksi do të mbetet i lartë deri në orët e mbrëmjes së premte , ndërsa edhe ditën e diel pritet një tjetër valë e madhe automjetesh në kthim drejt Tiranës.
