Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
Trafikoi në Shqipëri dy "Audi" me vlerë 150 mijë € të vjedhura në Zvicër, arrestohet 38-vjeçari në Tiranë!
ZH.LLPërditësimi i fundit 13 Nëntor 2024, 13:37
operacioni i policisë
TIRANË- Policia e kryeqytetit ka arrestuar një 38-vjeçar, Ambroz Shala, i cili trafikonte makina të vjedhura në Zvicër. Sipas bluve, i arrestuari kishte sjellë në Shqipëri dy automjete luksoze të vjedhura, me vlerë 150 mijë euro.
Në kuadër të operacionit 'Swiss', policia ka gjetur dhe sekuestruar në cilësinë e provës materiale njërën prej automjeteve të vjedhura, një makinë tip Audi Q8, e gjetur në një vendparkim në zonën e Don Boskos. Ndërkohë, policia po punon për gjetjen e automjetit tjetër.
"Finalizohet nga Seksioni për Hetimin e Trafiqeve të Paligjshme, në kuadër të një procedimi penal të vitit 2024, operacioni policor i koduar "Swiss".
Trafikoi në Shqipëri, 2 automjete të vjedhura në Zvicër me vlerë 150 000 euro, arrestohet 38-vjeçari.
Sekuestrohet në cilësinë e provës materiale, njëri prej automjeteve, tip "Audi Q8".
Specialistët e Seksionit për Hetimin e Trafiqeve të Paligjshme të DVP Tiranë, në vijim të punës për goditjen e paligjshmërisë, bazuar dhe në informacionet e siguruara në rrugë operative, për një shtetas që kishte trafikuar në vendin tonë, dy automjete të vjedhura në Zvicër, në kuadër të një procedimi penal të vitit 2024, organizuan dhe finalizuan me sukses operacionin policor të koduar "Swiss".
Gjatë operacionit u arrestua shtetasi A. Sh., 38 vjeç, banues në Zvicër.
Nga veprimet hetimore dyshohet se 38-vjeçari ka trafikuar në vendin tonë, 2 automjete tip "Audi", që rezultojnë të vjedhura në Zvicër.
Në cilësinë e provës materiale është sekuestruar njëri nga automjetet e vjedhura, tip "Audi Q8", cili u gjet në një vendparkim në Don Bosko. Po punohet për gjetjen e automjetit tjetër.
Materialet procedurale i kaluan Prokurorisë, për veprime të mëtejshme."
