Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
Tre vite nga vdekja e 21-vjeçares keniane në Tiranë, e ëma: Policia e di se kush e hodhi nga kati i tretë!
PiranjatPërditësimi i fundit 26 Shtator 2025, 12:48
Tre vite pas ngjarjes së rëndë ku 22-vjeçarja keniane Joy Ayoko u dhunua dhe u hodh nga kati i tretë i një hosteli në Tiranë, çështja po shkon drejt mbylljes për mungesë provash. Joy punonte në një kazino dhe pas gjashtë muajsh në koma, ajo ndërroi jetë në Kenia në gusht 2022.
Sipas A2 CNN hetimet janë përballur me pengesa të mëdha: vendi i ngjarjes nuk është shqyrtuar si duhet dhe provat nuk janë mbledhur në kohë. Po ashtu, autoritetet keniane nuk kanë kthyer përgjigje për letër-porositë e prokurorisë shqiptare që kërkonin skedën e vdekjes së vajzës.
Nëna e Joy, Ruth Abongo, deklaron se nuk do të dorëzohet dhe do të kthehet në Shqipëri për të kërkuar drejtësi.
“Unë e di kush e vrau fëmijën tim. Edhe policia e di. Jam shumë e zhgënjyer nga drejtësia në Shqipëri. Ishte dhimbje e madhe për mua por tani jam bërë më fortë dhe tani kam forcën për t’u përballur me frikërat e mia, përfshirë kthimin në Shqipëri në të ardhmen e afërt. Po, do të vij për ta mbyllur çështjen dhe për t’ia marrë telefonin nga gjykata. Me këshillat e duhura do të vij, por këtë herë do të sigurohem që kam vizituar personalisht zyrat në Kenia.”, tha ajo.
