Të rinjtë shqiptarë janë ndër më të varfrit në Europë për sa u përket të ardhurave të familje...
AKTUALITET
Tregti kokaine në Rodos, 5 të arrestuar, mes tyre 3 shqiptarë. Gjenden 327 mijë euro
PiranjatPërditësimi i fundit 21 Shkurt 2026, 18:17
5 persona janë arrestuar nga policia greke si të përfshirë në tregtinë e drogës në Rodos të Greqisë.
Nën drejtimin e 40-vjeçarit Alen Rizvani, grupi kriminal siguronte sasitë e nevojshme të lëndëve narkotike nga Athina, organizonte transportin e tyre me anë të anijeve nga Pireu në Rodos, ku dhe më pas shpërndahej. Bashkëpunëtorë të tij janë 46-vjeçari Ermal Shametaj, 37-vjeçari Sotir Pano si dhe dy shtetas grekë, mes të cilëve një ushtar.
Aktivitetet e organizatës kriminale u ndaluan përkohësisht kur dy femra 24 dhe 32-vjeçare, të cilat kishin qenë përgjegjëse për transportimin e sasive të mëdha të kokainës nga Pireu në Rodos, u arrestuan në maj dhe qershor 2025 me sasi të mëdha kokaine.
Ky ndalim, siç doli më vonë, ishte një veprim strategjik vetëmbrojtës nga anëtarët e organizatës kriminale, por anëtari kryesor, pas një periudhe të shkurtër kohore, filloi procesin e rigrupimit, duke kërkuar anëtarë të rinj.
Vlen të përmendet se disa nga anëtarët, duke përfituar nga fakti që kishin një të kaluar të pastër kriminale, lëviznin pa u vënë re aktiviteti i tyre i paligjshëm, duke siguruar kështu funksionimin e rregullt dhe të qetë të organizatës kriminale.
Nga hetimi i përgjithshëm, u përcaktua se organizata kriminale dyshohet se tregtoi të paktën 7 kilogramë kokainë, me një vlerë shitjeje të vlerësuar prej mbi 700.000 eurosh.
Në total, gjatë hetimeve të kryera, u gjetën dhe u sekuestruan 327.395 euro, kanabis i papërpunuar me një peshë totale bruto prej 1.6 kg, kokainë me një peshë totale bruto prej 27.23 gramë, 4 peshore precize, telefona celularë dhe ditarë me shënime të shkruara me dorë.
