Një tjetër eurodeputet i Parlamentit Europian ka reaguar i indinjuar ndaj dhunës së policisë me urdhër të kryeministrit...
AKTUALITET
Megaoperacioni i Elbasanit, lidhjet e pronarit të "Delta Group" me botën e krimit! Kush është ish-deputeti i arrestuar që u dorëhoq disa muaj pasi hyri në Kuvend
PiranjatPërditësimi i fundit 14 Tetor 2025, 11:02
Policia e Elbasanit ka zhvilluar një operacion të gjerë antikriminal pasditen e djeshme, në zonën e fshatit Katund i Ri, pranë aksit rrugor Elbasan–ish-Metalurgjik, ku janë arrestuar 10 persona, të dyshuar si eksponentë të botës së krimit. Mes të ndaluarve ndodhet edhe Bujar Muça, ish-deputet i Partisë për Drejtësi, Integrim dhe Unitet dhe pronari i kompanisë “Delta Group”, një prej bizneseve më të njohura në sektorin e hidrosanitareve në vend.
Sipas burimeve paraprake, operacioni është inicuar pas një telefonate që ka mbërritur në sallën operative të Policisë, ku është raportuar prania e disa personave të armatosur brenda një biznesi në këtë zonë. Forcat e rendit kanë ndërhyrë menjëherë, duke bërë arrestimin e menjëhershëm të personave të dyshuar. Gjatë kontrollit, policia ka sekuestruar një armë zjarri.
Deri tani nuk është bërë e qartë çfarë lidhje ka biznesmeni Muça me personat e tjerë të arrestuar, apo cilat janë dyshimet konkrete ndaj tij.
Por kush është Bujar Muça, një profil rreth tij
Bujar Muça është një emër i njohur në Elbasan dhe themelues i kompanisë “Delta Group”. Ai ka qenë kandidat për deputet në zgjedhjet parlamentare të vitit 2017, nën siglën e PDIU, ku edhe fitoi mandatin, por dha dorëheqjen pas disa muajsh, duke e arsyetuar vendimin me “arsye personale”.
