Detaje të reja janë zbardhur nga ngjarja e rëndë në Maliq. Mësohet se në momentin e arrestimit, autori Violand Braçe...
AKTUALITET
U arrestuan për vrasjen dhe groposjen e 21-vjeçarit Klevis Lleshi, GJKKO jep vendimet për ekzekutorin dhe bashkëpunëtorin
PiranjatPërditësimi i fundit 27 Shtator 2025, 11:47
Një ditë pasi zbardhjes së vrasjes së Klevis Lleshit, ngjarje e ndodhur në Burrel në vitin 2020 dhe arrestimit të disa personave në Tiranë, Gjykata e Posaçme ka dhenë masën e sigurisë për ekzekutorin dhe një nga bashkëpunëtorët në krim.
Kështu, GJKKO ka lënë në burg Sabah Nuzin, i cili akuzohet nga SPAK se kreu vrasjen e 21 vjeçarit kundrejt një pagese prej 50 mijë eurosh.
Ndërkaq, GJKKO ka lehtësuar masën e sigurisë për të arrestuarin tjetër Samet Loka, duke e lënë në arrest shtëpie. Gjatë seancës, Nuzi ka mohuar akuzat e ngritura ndaj tij nga Prokurorët e SPAK.
SPAK arriti të zbardhte vrasjen nga të dhënat e Aplikacionit të koduar Sky ECC. Aurel Hoxha alias Kolaveri, pronar i disa kompanive dhe lokal Monopol në zonën e “Myslim Shyrit” është shpallur në kërkim për akuzën e vrasjes për gjakmarrje në kuadër të grupit kriminal ndaj Klevis Lleshit.
SPAK e akuzon atë për krijimin e një grupi kriminal që urdhëroi vrasjen e të riut, në shenjë hakmarrje për ekzekutimin e vëllait të tij, Agim Hoxha në 2012 në Britaninë e Madhe.
