Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
U ekstradua sot nga Gjermani, si e dhunoi brutalisht ‘ushtari’ i Shullazit burrin e gjyqtares së Apelit të Posaçëm: Mos harroni që keni dy fëmijë
PiranjatPërditësimi i fundit 27 Shtator 2025, 10:55
Interpol Tirana ekstradoi këtë të diel nga Gjermania shtetasin, Fabio Ballabani alias Fabio Zyberaj. Ky shtetas akuzohet se në vitin 2019, ka dhunuar dhe ka kanosur me armë zjarri, shtetasin K. P., bashkëshort i gjyqtares Saida Dollani, që në atë kohë gjykonte dosjen e grupit kriminal të Emiljano Shullazit, ku bënte pjesë edhe vetë.Sipas dosjes penale të hetuar nga SPAK, njerëzit kryesorë që kanë bërë të mundur rrahjen brutale të burrit të Dollanit, janë Emiljano Shullazit, ish-deputeti i PS Arben Ndoka dhe Ervis Martinaj.
Burri i gjyqtares, Saida Dollani denoncoi se u kërcënua me pistoletë në prill të vitit 2023, teksa gruaja ishte pjesë e trupës gjyqësore të Emiljano Shullazit dhe grupit të tij. “…në një moment dola për të pirë një cigare nga një lokal ku isha me një mikun tim.
Në atë moment kaloi gruaja ime me një shoqe dhe vajzën e saj, ndërsa pak minuta më pas erdhi një djalë i ri rreth 20-22 vjeç. Ai erdhi direkt me pistoletë në dorë, më rrëzoi në tokë dhe më drejtoi pistoletën në gojë dhe mu drejtua me fjalët ‘ti me atë tët shoqe mos harro se ke dy fëmijët në Francë’. Kërcënimi ka ndodhur për shkak të funksionit të bashkëshortes time si gjyqtare në gjykatën e Apelit për Krime të rënda…”, është shprehur mes të tjerash burri i gjyqtares.
Saida Dollani u largua nga procesi gjyqësor i Shullazit, ndërsa për rastin e kërcënimit nisën hetimet në Prokurorinë e Tiranës. Emiljano Shullazi u dënua nga Shkalla e Parë e Krimeve të Rënda dhe në Apel me 14 vite burg, ndërsa grupi në total u dënua me 55 vite për krijim të grupit të strukturat kriminal, gjobëvënie dhe kanosje për shkak të detyrës. Pjesë e këtij grupi ishin Emiljano Shullazi, Gilmando Dani, Blerim Shullazi, Endri Zela dhe Endri Qyqja.
