U denoncua i humbur para 10 ditësh në kufirin serbo-kroat, 34-vjeçari kontakton familjarët e tij, ndodhet në Itali

leo roci

ITALI- Leo Roçi i cili u denoncua i humbur nga familjarët e tij 10 ditë më parë ndodhet në Itali. 34-vjeçari nga Dibra kishte kontaktuar për herë të fundit me familjarët e tij kur ishte në kufirin serbo-kroat. Ndërkohë raportohet se familja e tij ka kontaktuar zyrën e Ministrit të Brendshëm për të njoftuar se Roci i ka kontaktuar nga territori italian.

Leo Roci ishte nisur më datë 19 maj, me autobusin e linjës Durrës-Prishtinë. Pasi ka arritur në Prishtinë, nuk ka pasur biletë për të udhëtuar më tej dhe është detyruar që të flejë në një hotel në Prishtinë dhe të nesërmen më datë 20 është nisur me një taksi për në Serbi, me kalim nga dogana në Merdarë.

asi ka kaluar doganën me taksi, taksia e ka vendosur në autobus për në Beograd dhe në Beograd e ka marrë taksia tjetër dhe e ka dërguar në pikën kufitare në dalje të Serbisë me hyrje drejt Kroacisë. Babai i tij i moshuar tregoi për mediat edhe një bisedë që vajza e tij kishte bërë me personin që kishte gjetur dokumentet dhe telefonin, dhe se zonja në fjalë i kishte pohuar që i riu ishte torturuar. Madje në një moment iu pohua se djali kishte vdekur. Fatmirësisht i riu është gjallë. 

leo roci