Një ngjarje e rëndë ka ndodhur në zonën e Lozhanit në Maliq ku një efektiv i forcave ‘Shqiponjave’ ka mbetur i ...
AKTUALITET
U dhunua brutalisht, avokati Sokol Mëngjesi kërkon t'i hiqen akuzat Dritan Nanos
r.llPërditësimi i fundit 25 Shtator 2024, 13:43
sokol mengjesi
TIRANË- Avokati Sokol Mëngjesi ka depozituar një kërkesë në Gjykatën e Tiranës për heqjen e akuzave ndaj Dritan Nanos, personit që porositi dhunimin e tij më 29 maj të këtij viti.
Trupa e gjykimit nuk e mori parasysh kërkesën e avokatit, duke lënë në fuqi masën e sigurisë vendosur ndaj Nanos. Sipas raportimeve përmes një deklarate noteriale ka vënë në dijeni gjykatën se i ka rregulluar marrëdhëniet me Nanon.
Mësohet se Mëngjesi është rikuperuar dhe ka nisur aktivitetin e punës. Shumë shpejt pritet që të marrë pjesë edhe në seancat gjyqsore, për të mbrojtur klientët që ai përfaqëson.
Si ndodhi dhunimi i avokatit Sokol Mëngjesi?
Ngjarja e rëndë ka ndodhur mëngjesin e 29 majit, ku pasi avokati ka lënë djalin e tij në kopësht, teksa po rrinte në këmbë jashtë rrethimit të institucionit është goditur me grusht nga një person dhe më pas është rrëzuar në tokë. Pas rënies koka i ka rënë në trotuar, ndërsa dy persona të tjerë kanë nisur ta godasin me shkelma. Si pasojë e goditjeve ka pësuar dy fraktura, dëmtime te zona e ballit dhe pas koke dhe nga këto goditje. Gjithashtu ka pësuar dëmtime në pjesën e trurit dhe hemorragji të vogël.
Autorët e sulmit u identifikuan si Dorian Alia, 32 vjeç (i arrestuar pas vetëdorëzimit); Drivald Alia, 21 vjeç (i arrestuar); Elton Kasaj (në kërkim), 33 vjeç dhe Romario Tabaku, 26 vjeç (në kërkim), të gjithë banues në Tiranë. Romario Tabaku ishte personi që ka larguar me makinë autorët e sulmit nga vendngjarja. Policia ka vënë 20 mijë euro shpërblim për ato që japin informacion të vlefshëm që ndihmon në kapjen e tyre.
