Pamje të rënda janë publikuar nga protesta studentore në Tiranë. Siç shihet edhe në video, një i ri nga Tirana ...
AKTUALITET
U kap duke vjedhur tuba bakri jashtë spitalit të Elbasanit, arrestohet 32-vjeçari
S.BPërditësimi i fundit 26 Qershor 2024, 11:20
foto ilustruese
ELBASAN- Arrestohen tre persona në Elbasan dhe procedohet një tjetër. Mësohet se është arrestuar 32-vjeçari K.Z, pasi ka vjedhur tuba bakri jashtë spitalit të Elbasanit.
Është arrestuar edhe 30-vjeçari R.Z pasi u kap i dehur në timon. Gjithashtu 57-vjeçari Xh.T i dehur në timon ka përplasur një autobus duke shkaktuar dëme materiale.
33-vjeçari E.S është proceduar i lirë pasi për llogari të subjektit në pronësi të tij, është gërryer shtrati i lumit Shkumbin, në tejkalim të lejes që ka ky subjekt.
Njoftimi i Policisë:
Drejtoria Vendore e Policisë Elbasan
Komisariati i Policisë Elbasan arrestoi në flagrancë shtetasit:
-K. Z., 32 vjeç, pasi u kap duke vjedhur disa tuba prej bakri, në ambientet e jashtme të spitalit të Elbasanit;
-R. Z., 30 vjeç, pasi u kap duke drejtuar automjetin në gjendje të dehur. Gjithashtu, ky shtetas nuk i është bindur urdhrit të punonjësit të Policisë, për shoqërimin e tij, në ambientet e Policisë.
Sektori i Qarkullimit Rrugor arrestoi shtetasin Xh. T., 57 vjeç, banues në Elbasan, pasi me automjetin që e drejtonte në gjendje të dehur, ka përplasur autobusin me drejtues shtetasin I. Ll. Nga përplasja janë shkaktuar vetëm dëme materiale.
Komisariati i Policisë Librazhd:
-arrestoi në flagrancë shtetasin S. G., 47 vjeç, pasi ka ushtruar dhunë ndaj bashkëshortes së tij;
-referoi materialet në Prokurori, ku nisi procedimi në gjendje të lirë për shtetasit L. H., 29 vjeç dhe B. H., 32 vjeç (vëllezër), si dhe për shtetasin A. C., 45 vjeç, pasi dyshohet se gjatë një konflikti për motive të dobëta, kanë goditur me grushte dhe me sende të forta, njëri-tjetrin.
Seksioni për Hetimin e Krimeve Ekonomiko-Financiare i DVP Elbasan referoi materialet në Prokurori, ku nisi procedimi në gjendje të lirë për shtetasin E. S., 33 vjeç, pasi dyshohet se për llogari të subjektit në pronësi të tij, është gërryer shtrati i lumit Shkumbin, në tejkalim të lejes që ka ky subjekt, për këtë veprimtari.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
