Një ngjarje e rëndë është regjistruar në afërsi të ishujve të Ksamilit, ku është gjetur i pajetë n...
AKTUALITET
U kapën me dro*gë 1.8 milionë paund, kush janë tre shqiptarët e dënuar me rreth 20 vite burg në Britani (emrat)
PiranjatPërditësimi i fundit 3 Shtator 2025, 19:31
Tre burra me origjinë janë burgosur për një total prej gati 20 vitesh pasi policia zbuloi një fabrikë kanabisi me vlerë 1.8 milion paund në një qendër tregtare të braktisur.
Dy nga tre shqiptarët ishin urdhëruar më parë të deportoheshin nga Mbretëria e Bashkuar, ndërsa njëri prej tyre arriti të kthehej pasi ishte dëbuar.
Elton Skenderi, 30 vjeç, Gjovalin Toma, 31 vjeç, dhe Eduard Daja, 39 vjeç, u dënuan këtë të mërkurë në Gjykatën e Lartë në Glasgow. Më parë, shqiptarët pranuan se ishin të përfshirë në prodhimin e drogës së klasit B , pasi mijëra bimë u sekuestruan në shtator 2024. Skënderi u burgos për pesë vjet e tre muaj, ndërsa Toma u dënua me gjashtë vjet burg.
Ndërkohë, Daja u dënua me gjashtë vjet e nëntë muaj burg nga gjyqtari Lord Mulholland. Fabrika e kanabisit ishte ngritur në njësi të mbyllura në ish-Qendrën Tregtare Forum, e cila ishte e braktisur. Policia ishte njoftuar nga Scottish Power, pas konsumit të madh të energjisë në ambientet e ndërtesës.
Prokurori Stewart Ronnie tha në gjyq se "hyrja në godinë u bë me forcë dhe u zbulua një kultivim i madh kanabisi në dy kate. Ishte i njëjti strukturë e sofistikuar në njësitë fqinje, të cilat policia bastisi gjithashtu”.
Daja u dënua me tetë muaj burg për një vepër të ngjashme në maj 2023 në Gjykatën e Kurorës në Leeds dhe u dëbua një vit më pas. Pasi u rikthye në Britani, shqiptari iu rikthye krimit.
Toma gjithashtu kishte edhe një dënim të mëparshëm për kultivim kanabisi. Në vitin 2022 u dënua me 14 muaj burg në Leeds. Ai u urdhërua gjithashtu të kthehej në Shqipëri, por më pas kërkoi azil dhe çështja mbetet ende aktive.
