U kapën me doza kanabisi në automjet teksa tentonin të dilnin nga vendi, arrestohen në Muriqan tre shqiptarë të Kosovës

foto ilustruese

MURIQAN- Tre shqiptarë të Kosovës janë arrestuar ditën e sotme në pikën kufitare të Muriqanit. Mësohet se L. Sh 20 vjeç, K. H 20 vjeç dhe F. S 20 vjeç, iu gjet sasi kanabisi në automjetin e tyre teksa tentuan të dilnin nga Shqipëria.

Për pasojë u sekuestruan sasia e lëndës narkotike cannabis sativa, automjeti me të cilin lëviznin të arrestuarit dhe 3 celularët e tyre. Ndaj të rinjve rëndon akuza për veprën penale “Trafikimi i narkotikëve”, kryer në bashkëpunim.

Njoftimi i Policisë:

Tentuan të dilnin nga Shqipëria, me lëndë narkotike me vete, vihen në pranga 3 shtetas kosovarë.

Sekuestrohen sasia e lëndës narkotike cannabis sativa, automjeti me të cilin lëviznin të arrestuarit dhe 3 celularët e tyre.

Në vijim të punës intensive që po kryhet nga shërbimet e Policisë Kufitare të PKK Muriqan, me qëllim parandalimin, konstatimin dhe goditjen e krimeve në kufi, u kalua në vijë të dytë, për kontroll të detajuar, automjeti me drejtues shtetasin K. H. dhe me pasagjerë shtetasit L. Sh. dhe F. S.

Gjatë kontrollit në këtë automjet, u gjet një sasi lënde narkotike cannabis sativa.

Në përfundim të veprimeve procedurale për rastin, Seksioni për Hetimin e Narkotikëve i DVP Shkodër bëri arrestimin në flagrancë të shtetasve kosovarë L. Sh., 20 vjeç, K. H., 20 vjeç dhe F. S., 20 vjeç, për veprën penale “Trafikimi i narkotikëve”, kryer në bashkëpunim.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

muriqan droge