U kapën në shtëpi bari me vlerë 600.000 paund/ Dënohen me burg 3 shqiptarët në Angli, si u zbuluan nga policia (EMRAT)

Pamje nga shtëpia e barit

ANGLI - Tre persona me origjinë shqiptare janë dënuar me burg pasi u deklaruan fajtorë për prodhimin e sasive të mëdha të kanabisit me vlerë deri në 600,000 paund në një ndërtesë të ish-shkollës në Llandysul, Angli. Bëhet fjalë për Njazi Gjana, 27 vjeç, Ervin Gjana, 24 vjeç, të cilët u dënuan të dy me nga dy vjet e gjashtë muaj burg, dhe Armeld Troski 29-vjeç i cili u dënua me tre vjet e katër muaj për këtë vepër.

Mediat vendase shkruajnë se oficerët kishin marrë telefonata se në atë zonë ndodhej një strukturë në shkallë të gjerë dhe të sofistikuar, e cila ishte modifikuar qëllimisht për të akomoduar dhe fshehur fermën e kanabisit. Gjatë inspektimit të pronës dhe sasive të mëdha të kanabisit në tre katet e saj, oficerët dëgjuan tinguj lëvizjesh që vinin nga kati i poshtëm, duke treguar se kishte njerëz të tjerë të pranishëm në ndërtesë.

Oficerët vepruan me shpejtësi për të lokalizuar dhe arrestuar dy persona, Njazi dhe Armid, ndërsa personi i tretë, Ervin Gjana, u arratis nga prona – duke u ngjitur mbi një gardh me tela dhe duke u nisur drejt fushave aty pranë.

Nëpërmjet përdorimit të një droni dhe kontrollit fizik nga oficerët, Gjana u gjet me gërvishtje ferra në krahë në një anë pranë rrugës dhe u arrestua me shpejtësi si i dyshuar për kultivimin e kanabisit.

Cilat ishin pikat që çuan në zbulimin e shtëpisë së barit?

• Aroma dalluese që vinte nga prona dhe zhurmat nga ventilatorët e ventilimit.
• Dritaret e errëta për të shmangur zbulimin.
• Njerëzit dhe automjetet që vinin e shkonin në orë tek.
• Dritat e ndezura vazhdimisht; edhe pse prona duket të jetë e lirë.
• Shumë kondensim në dritare
• Lidhjet e pazakonta në një pronë (matësat e energjisë elektrike).
• Plehrat e 'kopshtit' si vazot e bimëve dhe kimikate.

Pas arrestimit të tyre, të tre shqiptarë u akuzuan për prodhimin e një droge të klasit B dhe u deklaruan fajtorë për veprën penale kur u paraqitën në Gjykatën e Kurorës Swansea.

shtepi bari angli