Një zë i rëndësishëm në Kongresin e Shteteve të Bashkuara të Amerikës, republikania Alexandria Ocasio Cortez ka rea...
AKTUALITET
U morën para 200 personave për të kaluar drejt BE-së, Gjykata e Tiranës lë në fuqi masat e sigurisë për Enea Sulejmanin dhe efektivët e Rinasit
n.fPërditësimi i fundit 6 Qershor 2024, 12:05
Arrestimi
TIRANË- Gjykata e Tiranës ditën e sotme ka marrë vendimin për të lënë në fuqi masat e sigurisë për të hetuarin Enea Sulejmanin dhe punonjësin e komisaritit të Rinasit, Briken Terziun. Ata janë lënë në arrest në burg pa afat gjatë hetimeve që po kryhen.
Masat e sigurisë mbetën të pandryshuara edhe për punonjësit e tjerë, në “arrest shtëpie” Sokol Xhikën, Ermal Mesin dhe Aris Drini. “Detyrim paraqitje” është vendosur për Ylli Prençi, Rei Shenjtollin, Enkis Aliajn dhe Argil Hasën.
Eneo Sulejmanaj kishte lidhje të ngushta me efektivin Briken Tereziu, me të cilin bashkëpunonte prej kohësh për kalimin ilegal të qytetarëve në Rinas. Eneo Sulejmani kërkoi në gjykatë një masë më të butë sigurie teksa ka qenë arrestuar më herët me 1 kg kokainë dhe ndodhej në burg, nga celulari i të cilit u zbulua aktiviteti kriminal me udhëtarët nga aeroporti i Rinasit. Ndërkohë një nga afektivët me masë detyrim paraqitje, pretendoi se shumica e rasteve dhe veprimeve të tyre kanë qenë administrative dhe jo shkelje penale.
Gjykata e Tiranës ka lënë në fuqi 9 masat e sigurisë për 8 punonjës të komisariatit të Rinasit dhe Eneo Sulejmanit. Këtë të enjte gjykata e Tiranës vlerësoi kushtet e caktimit të masave ku për inspektorin Briken Tereziu me detyrë Ndihmës specialist, kontrollor në Aeroportin e Rinasit, është caktuar arrest në burg në mungesë për veprat penale “Korrupsion aktiv i personave që ushtrojnë funksione publike”. Urdhri arrest në shtëpi është ekzekutuar për Sokol Xhika, Ermal Mesi, Aris Drini, ndërsa ‘detyrim për t’u paraqitur’ është lëshuar për Ylli Prençi, Rei Shenjtolli, Enkis Aliaj, Argil Hasa.
Në periudhën Mars 2023- Mars 2024, Enea Sulejmani, posedues i një agjensie turistike “Bus Albania”, me objekt veprimtarie ndër të tjera edhe “tregtim të biletave të avionit” mbante kontakte të vazhdueshme me kontrollorin e policisë kufitare në Aeroportin Rinas, Inspektor Briken Tereziu, të cilit i dërgonte të dhëna dhe dokumente udhëtimi të personave që nuk iu lejohej udhëtimi drejt vendeve të BE-së dhe ky i fundit personalisht apo nëpërmjet kolegëve të tij, rast pas rasti, në varësi të problematikave, kundrejt shumave monetare që varionin në vlera të ndryshme, lejonin kalimin e tyre sipas destinacioneve.
