Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
AKTUALITET
U paraqit në komisariat me plagë dhe dhëmbë të thyer/ Arrestohet shqiptari në Itali, 40-vjeçari akuzohet për dhunë seksuale, zhvatje dhe rrëmbim të partneres
n.fPërditësimi i fundit 2 Shkurt 2025, 16:51
ITALI- Autoritetet italiane kanë vënë në pranga një 40-vjeçar. Arrestimi i shqiptarit mësohet se ka ardhur pas akuzave nga partnerja e tij për dhunë seksuale, plagosje, rrëmbim, zhvatje, përndjekje dhe shpërndarje të videove seksuale të saj.
Partenerja e shqiptarit mësohet se është paraqitur në komisariat me plagë në fytyrë dhe me dhëmb të thyer. Ajo ka denoncuar para hetuesve se ishte sulmuar nga partneri i saj. Gruaja synonte të largohej nga partneri për shkak të dhunës së mëparshme që kishte pësuar, e acaruar nga konsumimi i tepërt i lëndëve narkotike nga i dyshuari, pas disa ditësh diskutime kishte pranuar ta takonte në një hotel, ku ai ndodhej. Por aty nisi tortura e vërtetë.
Për disa orë ai e mbylli në dhomë partneren duke e penguar të largohej apo të kërkonte ndihmë. Ai e detyroi atë të kryente marrëdhënie seksuale pa dëshirën e saj. Gjatë hetimeve rezultoi se viktima ishte e nënshtruar prej disa kohësh nga partneri i saj nën dhunë i kishin zhvatur 20 mijë euro. Gjithashtu rezultoi se ishte detyruar që të bënte video seksuale të cilat më pas shqiptari ua shiste personave të tretë.
