Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
AKTUALITET
“U përplas me Zani Çaushin dhe u largua në SHBA”/ Gazetari: Artur Shehu kishte shumë skafe për dorgë
PiranjatPërditësimi i fundit 29 Shtator 2025, 23:00
Gazetari Ferdinand Dervishi, i ftuar në emisionin “Të Paekspozuarit” foli për takimin në Aruba mes personazheve të krimit të organizuar dhe pretendimit se në këtë takim kanë qenë edhe zyrtarë të qeverisë në vitin 2019.
Dervishi dha disa detaje për personin që përmendet si kyç në takim, Artur Shehu, për të cilin tha se njihet që në kohën e trafikut të drogës me skafe dhe se ka patur përplasje me Zani Çaushin, duke iu vrarë dhe një i afërm dhe më pas u largua drejt SHBA-së.
“Artur Shehu njihet në Vlorë, në kohën e skafeve, në kohën e trafikut të drogës me skafe. Ky kishte më shumë skafe. Ishte njeriu që siguronte më shumë fitime. Nuk di të them pjesën politike, se këta njerëz që merren me krim nuk kanë parti. Ka patur përplasje me Zani Çaushin, u bë përplasje me viktima dhe është vrarë edhe një i afërm i Artur Shehut dhe është koha kur ai largohet nga Shqipëria. Nuk është se ka mbetur pa aktivitet. Pretendohet, është hetuar, se ky ka sipërfaqje të madhe të tjerërsuar pronash në Zvërnec. Është futur në pronat e tij një general italian, Lisi. Pra e shohin këtë si një nga kapot, apo mendjet e mençura, sepse nuk e ka kapur ndonjëherë ligji, e shohin si njeriun që qëndron në majën e kupolës.
E ndoqa me kujdes intervistën e zotërisë dhe besoj se gazetari i ka të qarta ato që thotë, më tërhoqi vëmendjen, që hetimi që ka vajtur në Aruba dhe është bërë përgjimi, ka lidhje me investimet e disa biznesmenëve shqiptarë për llogari të Artur Shehut në Firence. Duke hetuar, shkohet te përgjimi në Aruba.
Në vitin 2019 kemi dëgjuar të instalohen në Ekuador dhe Amerikë Latine, shqiptarë të dërguar nga banda të fuqishme, që donin të kishin më shumë fitim dhe ta kishin dorë e parë të bardhën, jo dorë e dytë apo e tretë. Vijmë te Grateri që tha mafia më e madhe në botë, tani ka tërhequr emisarët nga Ekuadori sepse këtë punë e bëjnë shqiptarët. E bëjnë për llogari të Ndragetës, apo grupeve shqiptare? Grateri thotë se është e dyta pas Ndragetës.
