Partia Popullore Evropiane, grupimi më i madh i partive politike të djathta dhe të qendrës në Evropë, reagoi sërish për ...
AKTUALITET
U plagos nga breshëria e plumbave, ky është 30-vjeçari Sokol Daci
PiranjatPërditësimi i fundit 2 Shkurt 2026, 08:15
Personi në foto është Sokol Daci, 30-vjeçari i cili një ditë më parë mbeti i plagosur nga breshëria e plumbave në Rrilë të Lezhës.
Sipas informacioneve i riu ndodhet ne gjendje stabel. Mësohet se 30-vjeçari ka tre plagë, një në shpatull, një në bark dhe një në këmbë.
Ngjarja e rëndë ndodhi brenda një berberhane në pronësitë 30-vjeçarit Daci.
Po ashtu bëhet e ditur se kur ndodhi ngjarja, brenda ishin disa persona, mes tyre edhe një efektiv policie dhe një anëtar i fisit Nikulaj. Polici në dëshminë e tij ka deklaruar se nuk i ka parë autorët.
Pas ngjarjes autori/ autorët janë larguar në drejtim të paditur, ndërsa policia dhe grupi hetimor po punojnë për identifikimin dhe kapjen e tyre.
Rreth orës 21:00, salla operative e DVP Lezhë është njoftuar se në qendër të fshatit Rrilë, Lezhë, ka ndodhur një plagosje me armë zjarri.
Menjëherë në vendngjarje kanë mbërritur shërbimet policore, ku ka rezultuar se ka mbetur i plagosur shtetasi S. D., 30 vjeç, banues në Rrilë. I plagosuri është transportuar në spital dhe ndodhet nën kujdesin e mjekëve.
Nga veprimet e para hetimore rezultoi se shtetasi S. D. ndodhej në biznesin e tij në momentin kur është qëlluar me armë zjarri.
Shërbimet e Policisë kanë ngritur pika kontrolli dhe po kryejnë krehjen e zonës, me qëllim identifikimin dhe kapjen e autorit/autorëve.
Grupi hetimor, nën drejtimin e Prokurorisë, po vijon veprimet për zbardhjen e plotë të rrethanave të ngjarjes.
