Erjon Vishkulli, i riu që mbeti i plagosur në sy nga një plumb gome gjatë protestës, ka pësuar hemorragji gjatë ndërhy...
AKTUALITET
U plagos nga trafikanti i drogës, përkeqësohet gjendja e policit Edison Adri
PiranjatPërditësimi i fundit 4 Qershor 2026, 12:06
Personi në foto, efektivi i ‘Shqiponjave’ Edison Adri, i cili mbeti i plagosur gjatë operacionit policor të zhvilluar në zonën e Lozhanit, në Bashkinë Maliq, është transportuar me helikopterin e ushtrisë drejt Spitalit Universitar të Traumës në Tiranë për të marrë trajtim të specializuar mjekësor. Adri mbeti i plagosur gjatë operacionit policor të zhvilluar në orët e para të mëngjesit në fshatin Podenë, në njësinë administrative Lozhan të Bashkisë Maliq.
Sipas të dhënave paraprake, forcat e Policisë së Korçës kishin organizuar një aksion për arrestimin e Violand Braçellarit, një person i shpallur në kërkim prej vitesh dhe i konsideruar me rrezikshmëri të lartë.
Gjatë ndërhyrjes, rreth orës 03:00-04:00 të mëngjesit, i dyshuari dyshohet se ka konstatuar praninë e efektivëve dhe ka hapur zjarr në drejtim të tyre. Si pasojë e shkëmbimit të zjarrit, humbi jetën efektivi i Policisë së Shtetit Enea Mekolli, ndërsa Edison Adri mbeti i plagosur rëndë. Burimet paraprake bëjnë me dije se Braçellari, ish-ushtarak dhe njohës i mirë i armëve, jetonte prej kohësh i izoluar në zonën pyjore të Podenës, ku kishte ngritur një stan dhe mbante disa qen.
