Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
"U prehsh në paqe miku dhe udhërrëfyesi im", Petrit Malaj reagon për ndarjen nga jeta të regjizorit Milkani: Do të mbetesh gjithmonë dritë në ekranin e kujtimeve!
n.fPërditësimi i fundit 25 Maj 2025, 12:16
TIRANË- Aktori dhe ambasadori i Shqipërisë në Kosovë, Petrit Malaj ka reaguar në lidhje me ndarjen nga jeta të regjizorit Piro Milkani. Malaj u kthye pas në kohë teksa shkruan se Milkani ishte personi që i hapi derën e kinemasë dhe e ndihmoi të hidhte hapin e parë si aktor. Ai shtoi se regjizori i mësoi se arti nuk është thjesht profesion, por mënyrë e të jetuarit me shpirt të hapur.
Aktori theksoi se qyteti i tyre i vogël kinematografik do të mbetet më i varfër pa të ndërsa shtoi se kujtimet dhe mësimet e tij do ta shoqërojnë gjithë jetën. Ai e falenderoi regjizonin për besimin që i dha në karrierë por edhe si individ për të qenë njeri para se të jetë aktor.
"I dashur Piro, Sot zemra më dhemb më shumë se fjalët që mund të shkruaj. Ti ishe ai që, me një buzëqeshje të qetë dhe një besim të palëkundur, hape derën e kinemasë për mua dhe më le të provoja hapin tim të parë si aktor. Nën dritat e setit, ti përcillje qetësi, mirësi dhe një pasion që ngjyroste çdo kornizë filmi.
Më mësove se arti nuk është thjesht profesion, por mënyrë e të jetuarit me shpirt të hapur. Me kujdesin që tregoje për çdo detaj, me respektin që u jepje të gjithëve dhe me delikatesën me të cilën drejtoje, bëre që të ndihesha i vlefshëm, i përfshirë, i parë.
Kam ende në vesh zërin tënd që më thoshte: “Beso, pastaj luaj.” Qyteti ynë i vogël kinematografik mbetet më i varfër pa ty, por kujtimet dhe mësimet e tua do të më shoqërojnë gjithë jetën. Faleminderit që besove tek unë, që më dhe zemrën tënde artistike, që më tregove si të jem njeri para se të jem aktor.
U prehsh në paqe, miku im dhe udhërrëfyesi im. Për mua do të mbetesh gjithmonë dritë në ekranin e kujtimeve. Me përqafim nga shpirti, Petriti," shkruan Malaj në reagimin e tij.
