Hetuesit e ngjarjes së ndodhur në stacionin e karburantit “EIDA” në zonën e Brrylit në Tiranë nuk kanë ende nj&...
AKTUALITET
U vetëdorëzua pas shpalljes në kërkim për ndërtimet pa leje, Gjykata liron ish-oficerin e Ksamilit, kontroll banese te një tjetër
PiranjatPërditësimi i fundit 12 Qershor 2026, 16:38
Gjykata e Sarandës ka lënë sot të lirë me masën “detyrim për t’u paraqitur në Policinë Gjyqësore”, ish-oficerin e policisë së Komisariatit të Sarandës, Irakli Koçiaj. Nuk dihet ende se me çfarë motivi është argumentuar lirimi i tij, ndërsa 7 efektivët e tjerë të arrestuar deri tani nga Komisariati i Sarandës janë lënë në masa shtrënguese nga “arrest shtëpie” deri në “arrest në burg” me afat, duke e bërë Koçiajn të vetmin ish – efektiv në liri.
Koçiaj u vetëdorëzua mëngjesin e dy ditëve më parë, pasi ndaj tij ishte caktuar në mungesë më 25 maj, masa e sigurimit “arrest në burg” për veprën penale “shpërdorim detyre”, si i dyshuar për favorizim të ndërtimeve pa leje në Ksamil.
Me iniciativë të AMP dhe urdhra të Prokurorisë, deri tani kanë rënë në pranga 8 ish – efektivë të Komisariatit të Sarandës, përfshirë ish-shefin Gëzim Bashllari dhe ish-specialistin e zonës Robert Çulli, që ndodhen në burg dhe për pak ditë do u rivlerësohet masa e sigurimit, ndërsa oficerët dhe specialistët Blerim Tafçiu, Andi Duro, Ajdin Islamaj, Kastriot Satka dhe Kristofor Shkrepa, ndodhen në “arrest shtëpie”.
Ndërkohë mbrëmjen e së enjtes mësohet se është ushtruar kontroll në banesën e ish-oficerit Ajdin Islamaj, të cilit i janë sekuestruar telefonat celularë me vendim të Prokurorisë.
Nuk dihet ende qëllimi pse është ushtruar ky kontroll, por mësohet se ditën që është ndaluar nga AMP, ai nuk i ka dorëzuar celularët duke u shprehur se nuk kishte.
