Protestës masive që po zhvillohet në kryeqytet po i bashkohen edhe shumë qytetarë nga rrethet.
Një protestues i ardhur nga Vlor...
AKTUALITET
Vala e të nxehtit përfshin Shqipërinë, temperatura deri në 30°C në fundjavë
PiranjatPërditësimi i fundit 4 Maj 2026, 13:19
Sinoptikania e MeteoAlb, Lajda Porja e cila u shpreh se moti në Shqipëri pritet të pësojë një ndryshim drastik gjatë ditëve në vijim, duke sjellë një rritje të ndjeshme të temperaturave dhe duke paralajmëruar ardhjen e parakohshme të ditëve të nxehta verore.
Fundjava që lamë pas duket se do të jetë më e freskëta për një kohë të gjatë, pasi çdo fundjavë pasuese pritet të jetë akoma më e nxehtë.
Java ka nisur me temperatura relativisht të buta, me maksimumin që arrin në 24 gradë Celsius. Megjithatë, kjo situatë do të ndryshojë shpejt. Nga dita e martë pritet një rritje në 26 gradë, ndërsa e mërkura do të shënojë 27 gradë.
Kthesa e madhe pritet të enjten dhe të premten, ku termometri do të ngjitet me shpejtësi, duke kulmuar gjatë fundjavës.
“Në fakt unë e theksova në një intervistë që fundjava që lamë pas do të jetë fundjava më e freskët.
Çdo fundjavë që vjen do të vijë duke u nxehur. Kështu që presim që termometri në pjesën e dytë të kësaj jave, që nga dita e mërkurë dhe në vijim ne do ta ndjejmë menjëherë.
Ndërkohë fundjavë do ta ndjejmë që në orët e para të mëngjesit. Duke qenë se të paktën deri ditën e mërkurë, temperaturat minimale do rriten shumë lehtë, me 1-2 gradë, dhe do jetë pak freskët për të gjithë ata që do dalin në mëngjes herët, rreth orës 6:00 të mëngjesit për në punë, do ta ndjejnë pak freskët, do të dalin patjetër me një xhaketë.
Duke filluar që nga e premtja dhe fundjava, menjëherë termometri regjistron edhe në zonat malore minimalet 9 apo 10 gradë dhe maksimumet 29-30 gradë, pjesa më e madhe e ultësirës perëndimore.
Do ketë zona të izoluara, Elbasani, Berati, Gjirokastra, që do t’i afrohen 30-31 gradëshit dhe parashikohet që moti të jetë i qëndrueshëm.
Do përjashtoja të mërkurën dhe të enjten, mesjava ku do të kemi zhvillim të vranësirave në zonat veriore dhe gjysmën lindore, verilindje, duke sjellë momente me pika shiu, rrebeshe të izoluara që zgjatin vetëm disa minuta.
Pjesa tjetër e territorit do jetë kryesisht e kthjellët. Fundjava, e premtja, e shtuna, e diela, jo vetëm nën mbizotërimin e kthjellimeve, por relativisht shumë më e ngrohtë krahasuar me çdo fundjavë të pranverës që kemi kaluar deri më tani”, u shpreh Porja.
