Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
Vdekja e Anxhela Bykut, ndryshon dinamika e ngjarjes, 20-vjeçarja tentoi të futej në shtëpi nga dritarja
PiranjatPërditësimi i fundit 16 Mars 2026, 13:08
Anxhela Byku, një 20-vjeçare me origjinë shqiptare, humbi jetën mbrëmjen e së enjtes në Piacenza të Italisë, pas një rënieje dramatike nga ballkoni i banesës ku jetonte me bashkëshortin e saj, gjithashtu shqiptar.
Ngjarja ka ndodhur më 10 mars në një pallat në Viale Beverora. Sipas hetimeve të karabinierëve dhe prokurores Emanuela Podda, 20-vjeçarja mbeti e mbyllur jashtë apartamentit të saj dhe në përpjekje për të hyrë brenda, u mundua të kalonte përmes një ballkoni, por humbi ekuilibrin dhe ra në oborrin e brendshëm.
Bashkëshorti i saj i cili e gjeti të shtrirë në tokë ka dhënë alarmin. E reja u transportua me urgjencë në spital nga ekipi i 118 dhe një ambulancë e Kryqit të Kuq, por plagët e marra nga goditja ishin fatale.
Hetuesit kanë përjashtuar përfshirjen e personave të tretë. Nga vendngjarja u vu re se dera e apartamentit ishte e mbyllur dhe furra e ndezur, çka tregon se Anxhela po përgatiste ushqim pak para incidentit.
Familjarët e saj, përfshirë nënën dhe motrën, kishin udhëtuar nga Shqipëria dhe qëndruan pranë spitalit, duke përjetuar dhimbje të madhe. Miqtë dhe të afërmit e kishin ndjekur ngjarjen me heshtje dhe trishtim, duke mbetur të tronditur nga humbja e parakohshme e vajzës.
Anxhela Byku la pas pak fotografi dhe kujtime të një jete të thjeshtë dhe të lumtur, që tani mbeten vetëm në kujtesën e familjarëve dhe miqve.
