Dritare të thyera, njolla zjarri nëpër mure: ministria e Arsimit në Tiranë mbart gjurmët e protestave të ditëve të...
AKTUALITET
Vdekja e Gjergj Tushës, policia hedh poshtë pretendimet se është vrarë: Ja çfarë i ka ndodhur!
PiranjatPërditësimi i fundit 4 Tetor 2025, 14:03
Ka përfunduar ekspertiza mjeko-ligjore për trupin e 65-vjeçarit, Gjergj Tusha, i cili u gjet i pajetë pasditen e kësaj të premte, në afërsi të lumit Mat, në fshatin Pllanë, Lezhë. Sipas raportit të ekspertizës, nuk janë konstatuar plagë nga armë zjarri apo mjete prerëse në trupin e viktimës.
Në fillim, dyshimet ishin për plagë të shkaktuara nga armë zjarri, por hetimet e kryera nga grupi i posaçëm hetimor kanë përjashtuar këtë mundësi. Sipas informacionit të zbardhur, Gjergj Tusha ka qenë duke kullotur bagëtitë kur ka humbur jetën.
Bëhet me dije se grupi hetimor ka realizuar një sërë veprimesh procedurale, përfshirë këqyrjen e vendit të ngjarjes, pamjeve filmike dhe marrjen e deklaratave nga dëshmitarë. Pas hetimeve të para, ka rezultuar se dëmtimet në trupin e Tushës janë të natyrës aksidentale dhe nuk janë shkaktuar nga armë zjarri apo mjete prerëse.
Njoftimi i policisë:
Lezhë
Përfundon ekspertiza mjeko-ligjore për përcaktimin e plagëve në trupin e shtetasit Gj. T., i cili u gjet i pajetë pasditen e djeshme, në afërsi të lumit Mat.
Nga ekspertiza mjeko-ligjore në trupin e 65-vjeçarit nuk janë konstatuar plagë të shkaktuara nga armë zjarri apo mjete prerëse.
Në vijim të informacionit të dhënë për gjetjen e trupit të pajetë të shtetasit Gj. T., banues në fshatin Pllanë, Lezhë, në afërsi të lumit Mat, ku nga këqyrja paraprake u dyshua se në trupin e tij kishte plagë të shkaktuara nga armë zjarri, sqarojmë se:
Nga veprimet e para hetimore të kryera ka rezultuar se ngjarja ka ndodhur në fshatin Pllanë, Njësia Administrative Zejmen, Bashkia Lezhë, ku shtetasi Gj. T. ka qenë duke kullotur bagëtitë.
Grupi i posaçëm hetimor ka kryer një sërë veprimesh hetimore e procedurale, si këqyrjen e vendit të ngjarjes, këqyrjen e kufomës, këqyrjen e pamjeve filmike, marrjen e deklarimeve, vendimet e ekspertimit, etj.
Nga tërësia e veprimeve hetimore të deritanishme, dhe veçanërisht nga këqyrja e kufomës, ka rezultuar se dëmtimet e konstatuara në trupin e shtetasit Gj. T. nuk janë shkaktuar nga armë zjarri apo mjete prerëse.
U kryen veprimet e para hetimore dhe materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për hetime të mëtejshme në lidhje me këtë ngjarje, e dyshuar aksidentale.
