Një ngjarje e rëndë është regjistruar në afërsi të ishujve të Ksamilit, ku është gjetur i pajetë n...
AKTUALITET
Vdekja tragjike e 17-vjeçarit në Vlorë, familjarët dhe miqtë e Leandros marshojnë drejt bulevardit Ismail Qemali
PiranjatPërditësimi i fundit 31 Tetor 2025, 15:38
Familjarë, miq, qytetarë të Vlorës, kanë marshuar sot përgjatë bulevardit Ismail Qemali, në shenjë nderimi të kujtimit të 17-vjeçarit Leandro Shametajt, i cili humbi jetën në një aksident tragjik. Me banderola të mëdha, me foto të adoleshentit, ata kanë marshuar, ndërsa kërkojnë forcimin e ligjit për ndëshkuesit e rregullave të qarkullimit.
“Jo më bir!”, “Gëzo me engjëjt Leandro”, janë disa nga shkrimet në pankarta, që mbajnë në duar shokë të Leandros, i cili studionte në gjimnazin “Ali Demi”.
Ndërsa familjarët e 17-vjeçarit Leandro Shametaj deklarojne se drejtimi i automjetit me shpejtësi mbi 200 km/orë, në mes të bulevardit dhe në gjendje të dehur, nuk mund të cilësohet si aksident.
Ndonëse autori Hajri Bajramaj u la në masën një ditë më parë, në masën e sigurisë “arrest me burg”, familjarët kërkojnë ashpërsimin e ligjeve dhe dënimin maksimal për autorët e ngjarjeve të tilla tragjike.
“Ne kërkojmë që të ashpërsohet ky ligj. Nuk ishte një aksident, por për ne është një vrasje me dashje. Në momentin që ecën me 200 km/h në bulevard dhe të rezultosh i dehur, nuk ka fjalë për ne”. Nuk arrijmë dot ta besojmë këtë gjë. Kërkojmë që të ashpërsohet ligji, nuk është shkelje e qarkullimit rrugor, është vrasje me dashje”.
