Reperi i njohur kosovar, Capital T, u ka bërë thirrje mediave në Kosovë që tu kushtojnë më shumë vëmendje zhvillime...
AKTUALITET
VIDEO/ Kreu i Operatorëve Turistik në Sarandë dhunohet brutalisht nga dy persona, Çipa: Një prej tyre ishte administratori i një klubi nate
r.llPërditësimi i fundit 22 Shkurt 2025, 21:07
arben cipa
SARANDË- Një episod dhune e paprecedent ka ndodhur ditën e djeshme në Sarandë. Biznesmeni dhe kreut i Operatorëve Turistikë, Arben Çipa është dhunuar barbarisht nga dy persona në Sarandë. Ka qenë vetë Çipa i cili përmes një video ku shihet i gjakosur në fytyrë dhe trup, ka shpjeguar se kush ishin personat që e dhunuan.
Ai tregon se njëri prej tyre ishte administratori i klubit të natës "Four Elements" në Sarandë. Më tej shpjegon se gjithçka ka nisur nga një diskutim për një çështje që ky person me emrin Dio është bërë pengesë mbi një projekt biznesi. Pas diskutimeve Dio ka nisur të shajë derisa bashkë me personin tjetër ka nisur t'i gjuajnë me grushte dhe me gurë në fytyrë dhe trup.
"Një person me emrin Dio, i cili është administrator i “Four Elements” më ka prerë rrugën bashkë me një person tjetër të shoqëruar. Dhe duke diskutuar mbi një çështje që ai është bërë pengesë, mbi një projekt timin, ata kanë dalë dhe kanë filluar me fyerje. Në momentin që kanë filluar me fyerje, unë padyshim nuk i kam pranuar dhe ato kanë shfrytëzuar momentin dhe brenda në makinën time të dy persona më janë vërsulur me grushte, me gurë, etj. Kam tentuar të mbrohem por e pamundur dhe kanë arritur në një moment që kanë krijuar një situate të tillë në krejt trupin tim. Kjo video është për ta patur si prove e asaj çka përshkruaj dhe asaj çka ndodhur.", shprehet Çipa në video.
Ai ka pësuar lëndime të rënda, duke përfshirë gjakderdhje dhe plagë të shumta, dhe është transportuar menjëherë në spital për trajtim mjekësor. Ngjarja ka ndodhur në ‘Heremec’, që ndodhet ndërmjet Sarandës dhe Kakomesë. Ndërkohë sot policia e Sarandës vuri në pranga autorin e identifikuar Diomet Musa, ndërsa në kërkim është nipi i tij. Sipas raportimeve shkak i sherrit është bërë ndërtimi i një linje elektrike që po bënte Arben Çipa për të furnizuar me energji një bar-restorant në zonën e Heremecit. 52-vjecari pretendon se po ndërton linjën elektrike në bazë të një projekti të OSHEE, ndërsa autorët kanë kundërshtuar, pasi aty, do ndërtojnë një biznes.
NJOFTIMI I POLICISË SË SARANDËS:
Falë veprimeve të shpejta të Specialistëve për Hetimin e Krimeve në Komisariatin e Policisë Sarandë, u lokalizua në një banesë në fshatin Lukovë, ku po fshihej, dhe u arrestua shtetasi Diomet Musai, 37 vjeç, me precedent kriminal në krimet ndaj personit. Ndërkohë, vijon kërkimi për kapjen e shtetasit M. M., 29 vjeç.
Dy autorët, xhaxha dhe nip, dyshohen se më datë 21.02.2025, rreth orës 16:10, në vendin e quajtur “Rruga për në Heremec”, në lagjen nr. 3, Sarandë, për motive të dobëta, kanë goditur me grushte, shkelma dhe sende të forta shtetasin Sotir Çipa, 52 vjeç, duke i shkaktuar dëmtime të rënda.
Shërbimet e Policisë po vijojnë punën për kapjen e 29-vjeçarit të shpallur në kërkim si bashkëautor. Materialet u referuan Prokurorisë për veprën penale “Plagosje e rëndë me dashje” e kryer në bashkëpunim.
