VIDEO/ "Me snajper në krahë!" Të shtënat me armë zjarri gjatë kontrollit në Bjeshkën e Parusë për lëndë narkotike, Policia: U dëguan FKS dhe RENEA me helikopter

Foto nga vendi i ngjarjes

MALËSI E MADHE- Policia ka publikuar pamjet nga kontrollit për kanabis në “Bjeshkën e Parusë”, ku më parë u raportua se disa persona të paidentifikuar qëlluan me armë drejt tyre. Bëhet me dije se Forca e Posaçme “Shqiponja”, dhe forca të tjera të policisë Shkodër kanë ndërhyrë në zonë të armatosur dhe me snajper në krahë, për të lokalizizuar autorët, ndërsa në sfond dëgjohen të shtëna.

Gjithashtu mësohet se në zonë u dëguar Forcat Kombëtare të Sigurisë Njësia Shkodër dhe grupe speciale të RENEA-s me helikopter. Në njoftim thuhet se grupi hetimor, në drejtimin e Prokurorisë, po vijon veprimet për sigurimin e provave me qëllim dokumentimin ligjor të rastit.

Njoftimi:

Malësi e Madhe/Informacion paraprak

Rreth orës 10:00, në vendin e quajtur “Bjeshka e Parus”, shtetas ende të paidentifikuar kanë qëlluar në ajër, me armë zjarri, kur kanë parë shërbimet e Policisë të cilat po kryenin kontroll të territorit në njësinë administrative Shkrel, për parandalimin, evidentimin dhe goditjen e kultivimit të bimëve narkotike.

Menjëherë në ndihmë të Policisë vendore janë nisur forcat operacionale të Drejtorisë Vendore të Policisë Shkodër dhe Forca e Posaçme “Shqiponja”, në drejtimin e Drejtorit të Drejtorisë Vendore të Policisë Shkodër.

Me urdhër të Drejtorit të Përgjithshëm të Policisë së Shtetit, po në ndihmë të Policisë vendore, u dëguan Forcat Kombëtare të Sigurisë Njësia Shkodër dhe grupe speciale të RENEA-s me helikopter.

Forcat operacionale në terren, përkundrejt asgjësimit dhe shkatërrimit të bimëve narkotike, vazhdojnë operacionin për lokalizimin dhe kapjen e autorëve të qëllimit me armë zjarri. Ndërkohë grupi hetimor, në drejtimin e Prokurorisë, po vijon veprimet për sigurimin e provave me qëllim dokumentimin ligjor të rastit.

malesi e madhe