Kreu i Grupit Parlamentar të PD, Gazment Bardhi ka reaguar për ngjarjen e rëndë të ndodhur në Lozhan, ku mbeti i vrarë nj&e...
LIFESTYLE
VIDEO/ Mendonte se gruaja bënte seks me klientët, 35-vjeçari shemb me buldozer lokalin
PiranjatPërditësimi i fundit 14 Maj 2026, 18:26
Një burrë paranojak shkatërroi një pub me një buldozer, nga frika se gruaja e tij po flinte me klientët e rregullt të lokalit.
35-vjeçari Daniel Morgan kishte qenë duke pirë në lokal kur shpërtheu në zemërim ndaj klientëve për shkak të “batutave” rreth prishjes së martesës së tij.
Morgan besonte gabimisht, në mënyrë paranojake, se gruaja e tij kishte pasur lidhje me pronarin e pub-it dhe me klientët e rregullt – dhe planifikoi një sulm hakmarrës. Prokurori Jason Howells tha se ai u largua nga pub-i përpara se t’i dërgonte mesazh pronarit, Christopher Common, ku shkruante: “Bëni kujdes, nuk mund ta ndalni një buldozer.”
Gjykata dëgjoi se Morgan kishte dërguar gjithashtu mesazhin: “Do të shembet shumë shpejt”, pasi u largua nga pub-i “The New Inn” në Uellsin Jugor. Prokurori tha se Morgan shkoi në fermën e të atit, ku mori pa leje buldozerin.
Babai i tij, Phillip, pa i tmerruar nga dritarja ndërsa djali i tij përplasi një kamion “Isuzu” në fermë me buldozer – dhe telefonoi menjëherë nipin për ndihmë. Të dy u nisën drejt pub-it për të paralajmëruar pronarët, ndërsa klientët dolën në parking në momentin kur Morgan mbërriti aty. Morgan u përplas me hyrjen e pub-it, duke shkaktuar dëme prej 22,280.43 paundësh – si edhe humbje të ardhurash prej 7,000 paundësh për fundjavën.
Babai i Morganit, Phillip, u përpoq “heroikisht” të priste tubin e naftës së motorit në përpjekje për të ndaluar “sulmin hakmarrës” të të birit. Zoti Howells tha: “I pandehuri e lëvizte buldozerin sa majtas-djathtas, duke mos lejuar askënd t’i afrohej.”
Gjykata dëgjoi se Morgan u largua nga pub-i për t’u drejtuar shtëpisë familjare ku kishte jetuar me gruan e tij të ndarë. Babai, xhaxhai dhe kushëriri i tij u përpoqën të bllokonin rrugën me një eskavator, përpara se ai të ndalonte, “i mbuluar në gjak”.
Gjykata dëgjoi se policia mbërriti dhe e gjeti Morganin “tepër të dehur” në sediljen e shoferit, ndërsa i rridhte gjak nga koka dhe duart. Morgan u dërgua në spital, ku u tha oficerëve: “E gjithë kjo ndodh sepse ish-gruaja ime nuk më lejon të shoh fëmijët.”
Ai gjithashtu tha se “iu errën sytë nga zemërimi” kur kaloi me buldozer mbi automjetet e familjes së tij. Gjykata dëgjoi se Morgan kishte nisur të pinte alkool dhe të konsumonte kokainë çdo ditë pas prishjes së lidhjes së tij.
Morgan u dënua me tre vite e katër muaj burg dhe iu ndalua drejtimi i automjeteve për katër vite. Gjithashtu duhet të japë një test të zgjeruar drejtimi. Ai u urdhërua t’i paguante 10 mijë paund pronarit të lokalit. /PiranjatNews/
Thinking Machines Lab, startup-i i inteligjencës artificiale i krijuar nga ish-drejtoresha teknologjike e Mira Murati, ka prezantuar një koncept t&eum...
